ಶ್ರೀ ಬಾಲ ರಾಮಾಷ್ಟಕ ಸ್ತೋತ್ರಂ ಯತಿರಾಜದಾಸರ್ ವಿರಚಿತಮ್

 ಶ್ರೀ ಬಾಲರಾಮಾಷ್ಟಕಸ್ತೋತ್ರಂ 

ಅಯೋಧ್ಯಾಧಿಪತಿಂ ವಿಷ್ಣುಂ 

ಶರಛಾಪಸಮನ್ವಿತಂ |

ಜನ್ಮಭೂಮೌ ಸ್ಥಿತಂ ದೇವಂ 

ಬಾಲರಾಮಮಹಂ ಭಜೇ || 01 ||

ಮಂದಸ್ಮಿತಮುದಾರಾಂಗಂ ಕರುಣಾಪೂರ್ಣಲೋಚನಂ |

ಜನ್ಮಭೂಮೌ ಸ್ಥಿತಂ ದೇವಂ 

ಬಾಲರಾಮಮಹಂ ಭಜೇ || 02 ||

ಸೂರ್ಯಕೋಟಿ ಪ್ರತೀಕಾಶಂ ಕೌಸಲ್ಯಾನಂದವರ್ಧನಮ್ |

ಜನ್ಮಭೂಮೌ ಸ್ಥಿತಂ ದೇವಂ 

ಬಾಲರಾಮಮಹಂ ಭಜೇ || 03 ||

ಅನೇಕಕೋಟಿಭಕ್ತಾನಾಂ 

ನಿಜಾನಂದಪ್ರದಾಯಕಂ |

ಜನ್ಮಭೂಮೌ ಸ್ಥಿತಂ ದೇವಂ 

ಬಾಲರಾಮಮಹಂ ಭಜೇ || 04 ||

ವಿಹರನ್ ಸರಯೂ ತೀರೇ 

ಭ್ರಾತೃಭಿಃ ಸಹ ಸೀತಯಾ |

ಜನ್ಮಭೂಮೌ ಸ್ಥಿತಂ ದೇವಂ 

ಬಾಲರಾಮಮಹಂ ಭಜೇ || 05 ||

ಶಿಖಾಭೂಷಾದಿ ಸಂಯುಕ್ತಂ 

ಸರ್ವಾಭರಣಭೂಷಿತಂ |

ಜನ್ಮಭೂಮೌ ಸ್ಥಿತಂ ದೇವಂ 

ಬಾಲರಾಮಮಹಂ ಭಜೇ || 06 ||

ಓಂಕಾರಸ್ವಸ್ತಿಕೋಪೇತಂ 

ದಶರೂಪವಿರಾಜಿತಂ | 

ಜನ್ಮಭೂಮೌ ಸ್ಥಿತಂ ದೇವಂ 

ಬಾಲರಾಮಮಹಂ ಭಜೇ || 07 ||

ಪಂಚಾಯುಧಧರಂ ಶ್ರೀಶಂ 

ಹನುಮತ್ಪಕ್ಷಿಸೇವಿತಂ |

ಜನ್ಮಭೂಮೌ ಸ್ಥಿತಂ ದೇವಂ 

ಬಾಲರಾಮಮಹಂ ಭಜೇ || 08 ||

ರಾಮಾಷ್ಟಕಮಿದಂ ಸ್ತೋತ್ರಂ 

ಯಃ ಪಠೇತ್ ಶ್ರದ್ಧಯಾನ್ವಿತಃ |

ಸೀತಾರಾಮಕೃಪಾಂ ಲಬ್ಧ್ವಾ 

ವಿಷ್ಣುಲೋಕೇ ಮಹೀಯತೇ || 09 ||

ಇತಿ ಸ್ಥಾನಾಚಾರ್ಯ ಯತಿರಾಜದಾಸರ್ ವಿರಚಿತ ಶ್ರೀಬಾಲರಾಮಾಷ್ಟಕ ಸ್ತೋತ್ರಂ

#ಶ್ರೀಯತಿರಾಜದಾಸರ್ #ಶಲ್ವಾಧೀಕ್ಷಣ #ಅಯೋಧ್ಯಾ #ಬಾಲರಾಮ

***