ಸೂರ್ಯ ಸ್ತೋತ್ರ ಯಾಜ್ಞವಲ್ಕ್ಯವಿರಚಿಮ್ सूर्या स्तोत्रम् surya stotra by yajnavalkya

ಸೂರ್ಯಾರ್ಯಾಸ್ತೋತ್ರಮ್ 
ಶ್ರೀ ಗಣೇಶಾಯ ನಮಃ ॥

ಶುಕತುಂಡಚ್ಛವಿ-ಸವಿತುಶ್ಚಂಡರುಚೇಃ ಪುಂಡರೀಕವನಬನ್ಧೋಃ ।
ಮಂಡಲಮುದಿತಂ ವನ್ದೇ ಕುಂಡಲಮಾಖಂಡಲಾಶಾಯಾಃ ॥ 1॥

ಯಸ್ಯೋದಯಾಸ್ತಸಮಯೇ ಸುರಮುಕುಟನಿಘೃಷ್ಟಚರಣಕಮಲೋಽಪಿ ।
ಕುರುತೇಂಜಲಿಂ ತ್ರಿನೇತ್ರಃ ಸ ಜಯತಿ ಧಾಮ್ನಾಂ ನಿಧಿಃ ಸೂರ್ಯಃ ॥ 2॥

ಉದಯಾಚಲತಿಲಕಾಯ ಪ್ರಣತೋಽಸ್ಮಿ ವಿವಸ್ವತೇ ಗ್ರಹೇಶಾಯ ।
ಅಮ್ಬರಚೂಡಾಮಣಯೇ ದಿಗ್ವನಿತಾಕರ್ಣಪೂರಾಯ ॥ 3॥

ಜಯತಿ ಜನಾನನ್ದಕರಃ ಕರನಿಕರನಿರಸ್ತತಿಮಿರಸಂಘಾತಃ ।
ಲೋಕಾಲೋಕಾಲೋಕಃ ಕಮಲಾರುಣಮಂಡಲಃ ಸೂರ್ಯಃ ॥ 4॥

ಪ್ರತಿಬೋಧಿತಕಮಲವನಃ ಕೃತಘಟನಶ್ಚಕ್ರವಾಕಮಿಥುನಾನಾಮ್ ।
ದರ್ಶಿತಸಮಸ್ತಭುವನಃ ಪರಹಿತನಿರತೋ ರವಿಃ ಸದಾ ಜಯತಿ ॥ 5॥

ಅಪನಯತು ಸಕಲಕಲಿಕೃತಮಲಪಟಲಂ ಸಪ್ರತಪ್ತಕನಕಾಭಃ ।
ಅರವಿನ್ದವೃನ್ದವಿಘಟನಪಟುತರಕಿರಣೋತ್ಕರಃ ಸವಿತಾ ॥ 6॥

ಉದಯಾದ್ರಿಚಾರುಚಾಮರ ಹರಿತಹಯಖುರಪರಿಹಿತರೇಣುರಾಗ ।
ಹರಿತಹಯ ಹರಿತಪರಿಕರ ಗಗನಾಂಗನದೀಪಕ ನಮಸ್ತೇಽಸ್ತು ॥ 7॥

ಉದಿತವತಿ ತ್ವಯಿ ವಿಕಸತಿ ಮುಕುಲೀಯತಿ ಸಮಸ್ತಮಸ್ತಮಿತಬಿಮ್ಬೇ ।
ನ ಹ್ಯನ್ಯಸ್ಮಿನ್ದಿನಕರ ಸಕಲಂ ಕಮಲಾಯತೇ ಭುವನಮ್ ॥ 8॥

ಜಯತಿ ರವಿರುದಯಸಮಯೇ ಬಾಲಾತಪಃ ಕನಕಸನ್ನಿಭೋ ಯಸ್ಯ ।
ಕುಸುಮಾಂಜಲಿರಿವ ಜಲಧೌ ತರನ್ತಿ ರಥಸಪ್ತಯಃ ಸಪ್ತ ॥ 9॥

ಆರ್ಯಾಃ ಸಾಮ್ಬಪುರೇ ಸಪ್ತ ಆಕಾಶಾತ್ಪತಿತಾ ಭುವಿ ।
ಯಸ್ಯ ಕಂಠೇ ಗೃಹೇ ವಾಪಿ ನ ಸ ಲಕ್ಷ್ಮ್ಯಾ ವಿಯುಜ್ಯತೇ ॥ 10॥

ಆರ್ಯಾಃ ಸಪ್ತ ಸದಾ ಯಸ್ತು ಸಪ್ತಮ್ಯಾಂ ಸಪ್ತಧಾ ಜಪೇತ್ ।
ತಸ್ಯ ಗೇಹಂ ಚ ದೀಪಂ ಚ ಪದ್ಮಾ ಸತ್ಯಂ ನ ಮುಂಚತಿ ॥ 11॥

ನಿಧಿರೇಶ ದರಿದ್ರಾಣಾಂ ರೋಗಿಣಾಂ ಪರಮೌಷಧಮ್ ।
ಸಿದ್ಧಿಃ ಸಕಲಕಾರ್ಯಾಣಾಂ ಗಾಥೇಯಂ ಸಂಸೃತಾ ರವೇಃ ॥ 12॥

ಇತಿ ಶ್ರೀಯಾಜ್ಞವಲ್ಕ್ಯವಿರಚಿತಂ ಸೂರ್ಯಾರ್ಯಾಸ್ತೋತ್ರಂ ಸಮ್ಪೂರ್ಣಮ್ ।
**************

सूर्यार्या स्तोत्रम् 

श्री गणेशाय नमः ॥

शुकतुण्डच्छवि-सवितुश्चण्डरुचेः पुण्डरीकवनबन्धोः ।
मण्डलमुदितं वन्दे कुण्डलमाखण्डलाशायाः ॥ १॥

यस्योदयास्तसमये सुरमुकुटनिघृष्टचरणकमलोऽपि ।
कुरुतेञ्जलिं त्रिनेत्रः स जयति धाम्नां निधिः सूर्यः ॥ २॥

उदयाचलतिलकाय प्रणतोऽस्मि विवस्वते ग्रहेशाय ।
अम्बरचूडामणये दिग्वनिताकर्णपूराय ॥ ३॥

जयति जनानन्दकरः करनिकरनिरस्ततिमिरसङ्घातः ।
लोकालोकालोकः कमलारुणमण्डलः सूर्यः ॥ ४॥

प्रतिबोधितकमलवनः कृतघटनश्चक्रवाकमिथुनानाम् ।
दर्शितसमस्तभुवनः परहितनिरतो रविः सदा जयति ॥ ५॥

अपनयतु सकलकलिकृतमलपटलं सप्रतप्तकनकाभः ।
अरविन्दवृन्दविघटनपटुतरकिरणोत्करः सविता ॥ ६॥

उदयाद्रिचारुचामर हरितहयखुरपरिहितरेणुराग ।
हरितहय हरितपरिकर गगनाङ्गनदीपक नमस्तेऽस्तु ॥ ७॥

उदितवति त्वयि विकसति मुकुलीयति समस्तमस्तमितबिम्बे ।
न ह्यन्यस्मिन्दिनकर सकलं कमलायते भुवनम् ॥ ८॥

जयति रविरुदयसमये बालातपः कनकसन्निभो यस्य ।
कुसुमाञ्जलिरिव जलधौ तरन्ति रथसप्तयः सप्त ॥ ९॥

आर्याः साम्बपुरे सप्त आकाशात्पतिता भुवि ।
यस्य कण्ठे गृहे वापि न स लक्ष्म्या वियुज्यते ॥ १०॥

आर्याः सप्त सदा यस्तु सप्तम्यां सप्तधा जपेत् ।
तस्य गेहं च दीपं च पद्मा सत्यं न मुञ्चति ॥ ११॥

निधिरेश दरिद्राणां रोगिणां परमौषधम् ।
सिद्धिः सकलकार्याणां गाथेयं संसृता रवेः ॥ १२॥

इति श्रीयाज्ञवल्क्यविरचितं सूर्यार्यास्तोत्रं सम्पूर्णम् ।
**********