Saturday, 21 December 2019

ಶ್ರೀಮದಾಚಾರ್ಯೇನ್ದ್ರ ಸ್ತವಃ ಚಂದ್ರಶೇಖರ ಭಾರತಿ ವಿರಚಿತಮ್ श्रीमदाचार्येन्द्र स्तवः srimadacharyendra stavah by chandrashekara bharati

ShrimadAcharyendra stavah  ಶ್ರೀಮದಾಚಾರ್ಯೇನ್ದ್ರ ಸ್ತವಃ 

ದೃಷ್ಟ್ವಾ ವಾಚಿ ಸರಸ್ವತೀಂ ನಯನಯೋರನ್ತೇ ಚ ಲಕ್ಷ್ಮೀಂ ತಥಾ
     ಚಿತ್ತೇ ವೀಕ್ಷ್ಯ ಸಮಸ್ತಭೂತಕರುಣಾಂ ಕಾಯೇ ಚ ಹೇಮಪ್ರಭಾಮ್ ।
ನೋ ಯುಕ್ತಂ ಬಹುಭಾಮಿನೀಸಮುದಯೇ ವಾಸಾಯ ಮತ್ವೇತಿ ತೇ
     ಶ್ರೀಮದ್ದೇಶಿಕರಾಜ ಕೀರ್ತಿವನಿತಾ ನೂನಂ ದಿಗನ್ತಾನಗಾತ್ ॥ 1॥

ಪುರಾ ಶಮ್ಭುಃ ಶುಭ್ರೇ ವಸತಿಮಚಲೇ ಕರ್ತುಮನಿಶಂ
     ಸಮಿಚ್ಛನ್ ರೂಪ್ಯಾದ್ರಾವುಭಯಗುಣಯುಕ್ತೇಽಕೃತ ವಸಿಮ್ ।
ತತಸ್ತಂ ದುರ್ವರ್ಣಂ ದಶವದನಹಸ್ತಪ್ರಚಲಿತಂ
     ವಿಚಿನ್ತ್ಯಾಸ್ಮಿನ್ನಿತ್ಯಾಂ ವಸತಿಮಕರೋತ್ ದೇಶಿಕಹೃದಿ ॥ 2॥

ಅಮೃತಶಿಲಾಪರಿನಿರ್ಮಿತಮೂರ್ತಿಂ ಶ್ರೀದೇಶಿಕಸ್ಯ ಮನ್ಯೇಽಹಮ್ ।
ಶಂಕರಗುರುಕೃತಶ‍ೃಂಗಾಚಲಸ್ಯಪೀಠೀಯಕೀರ್ತಿಸಾರ ಇತಿ ॥ 3॥

ಏಕಾದಶರುದ್ರಾಣಾಂ ಏಕಾ ಗೌರೀ ಭವೇನ್ನಾಲಮ್ ।
ಇತಿ ಗೌರೀಕೃತವಾಂಸ್ತ್ವಂ ದೇಶಿಕವರ ದಶದಿಶೋಽಪಿ ನಿಜಕೀರ್ತ್ಯಾ ॥ 4॥

ತವ ಸಿದ್ಧಮಥೋ ಹಿರಣ್ಯವೈರಿತ್ವಮ್ ।
ತಸ್ಮಾನ್ನೃಸಿಂಹದೇಶಿಕ ಹೃತ್ಸ್ತಮ್ಭಂ ಮೇ ವಿಭಿದ್ಯ ಪುರ ಏಹಿ ॥ 5॥

ಸರ್ವಜ್ಞತಾಸಕಲಶಕ್ತಿಯುತತ್ವಹೇತೋಃ
     ಶ್ರೀಶಮ್ಭುಸಾಮ್ಯಮಖಿಲಾ ಭವತೋ ವದನ್ತಿ ।
ಆಧಿಕ್ಯಮೇವ ತವ ದೇಶಿಕ ಸಂಗಿರೇಽಹಂ
     ರಾಜಾಂಘ್ರಿರಸ್ತಿ ಹಿ ಭವಾನ್ ಸ ತು ರಾಜಮೌಲಿಃ ॥ 6॥

ಇತಿ ಶ್ರೀಜಗದ್ರುರು ಶ್ರೀಶ‍ೃಂಗೇರೀಪೀಠಾಧಿಪ ಶ್ರೀಚನ್ದ್ರಶೇಖರಭಾರತೀ
     ಶ್ರೀಪಾದೈಃ ವಿರಚಿತಾ ಶ್ರೀಮದಾಚಾರ್ಯೇನ್ದ್ರಸ್ತವಂ ಸಮ್ಪೂರ್ಣಃ ।
***********


श्रीमदाचार्येन्द्र स्तवः 
दृष्ट्वा वाचि सरस्वतीं नयनयोरन्ते च लक्ष्मीं तथा
     चित्ते वीक्ष्य समस्तभूतकरुणां काये च हेमप्रभाम् ।
नो युक्तं बहुभामिनीसमुदये वासाय मत्वेति ते
     श्रीमद्देशिकराज कीर्तिवनिता नूनं दिगन्तानगात् ॥ १॥

पुरा शम्भुः शुभ्रे वसतिमचले कर्तुमनिशं
     समिच्छन् रूप्याद्रावुभयगुणयुक्तेऽकृत वसिम् ।
ततस्तं दुर्वर्णं दशवदनहस्तप्रचलितं
     विचिन्त्यास्मिन्नित्यां वसतिमकरोत् देशिकहृदि ॥ २॥

अमृतशिलापरिनिर्मितमूर्तिं श्रीदेशिकस्य मन्येऽहम् ।
शङ्करगुरुकृतश‍ृङ्गाचलस्यपीठीयकीर्तिसार इति ॥ ३॥

एकादशरुद्राणां एका गौरी भवेन्नालम् ।
इति गौरीकृतवांस्त्वं देशिकवर दशदिशोऽपि निजकीर्त्या ॥ ४॥

तव सिद्धमथो हिरण्यवैरित्वम् ।
तस्मान्नृसिंहदेशिक हृत्स्तम्भं मे विभिद्य पुर एहि ॥ ५॥

सर्वज्ञतासकलशक्तियुतत्वहेतोः
     श्रीशम्भुसाम्यमखिला भवतो वदन्ति ।
आधिक्यमेव तव देशिक सङ्गिरेऽहं
     राजाङ्घ्रिरस्ति हि भवान् स तु राजमौलिः ॥ ६॥

इति श्रीजगद्रुरु श्रीश‍ृङ्गेरीपीठाधिप श्रीचन्द्रशेखरभारती
     श्रीपादैः विरचिता श्रीमदाचार्येन्द्रस्तवं सम्पूर्णः ।
***********

No comments:

Post a Comment