ಶ್ರೀ ಕೃಷ್ಣ ಸ್ತವನ ಕವಚಮ್ ರುದ್ರಯಾಮಲೇ ಉತ್ತರ ತಂತ್ರೆ sri krishna stavana kavacham श्री कृष्ण स्तवन कवचम्

Shri Krishnastavana Kavacham
 ಶ್ರೀ ಕೃಷ್ಣ ಸ್ತವನ ಕವಚಮ್ 
ಅಥೈಕೋನಚತ್ತ್ವಾರಿಂಶಃ ಪಟಲಃ
ಆನನ್ದಭೈರವೀ ಉವಾಚ
ಅಥ ನಾಥ ಪ್ರವಕ್ಷ್ಯೇಽಹಂ ಸಂಸಾರಸಾಧನೋತ್ತಮಮ್ ।
ಯೇನ ಸಾಧನಮಾತ್ರೇಣ ಯೋಗೀ ಭವತಿ ತತ್ಕ್ಷಣಾತ್ ॥ 39-1॥

ಅನಾಯಾಸೇನ ಸಿದ್ಧಿಃ ಸ್ಯಾದ್ ಯದ್ಯನ್ಮನಸಿ ವರ್ತತೇ ।
ತ್ರೈಲೋಕ್ಯಂ ಮೋಹಯೇತ್ಕ್ಷಿಪ್ರಂ ತ್ರೈಲೋಕ್ಯಂ ವಶಮಾನಯೇತ್ ॥ 39-2॥

ರಾಮೇಣ ಸಹಿತಂ ನಿತ್ಯಂ ಜಗತಾಂ ಸಾಕ್ಷಿಣಂ ವರಮ್ ।
ಜಾಮದಗ್ನ್ಯಕರಾಮ್ಭೋಜಸೇವಿತಂ ಸರ್ವಸೇವಿತಮ್ ॥ 39-3॥

ಅನನ್ತಸತ್ತ್ವನಿಲಯಂ ವಾಸುಕೀ ಸಂಗಮಾಕುಲಮ್ ।
ಅಷ್ಟಹಸ್ತಾಗ್ರಸುಶ್ರೀದಂ ನಾನಾಲಂಕಾರಶೋಭಿತಮ್ ॥ 39-4॥

ಸ್ವಾಧಿಷ್ಠಾನಗತಂ ಧ್ಯಾತ್ವಾ ಶೀತಲೋ ಜಾಯತೇ ವಶೀ ।
ತತ್ಸ್ತೋತ್ರಂ ಶ‍ೃಣು ಮೇ ನಾಥ ಯತ್ಪಾಠಾತ್ ಸಿದ್ಧಿಮಾಪ್ನುಯಾತ್ ॥ 39-5॥

ಶ್ರೀಕೃಷ್ಣಸ್ತೋತ್ರಂ
ಬ್ರಹ್ಮಾದಯಃ ಸುರಾಧೀಶಾ ಮುನಯಃ ಕ್ರತುರಕ್ಷಕಾಃ ।
ಏತತ್ ಸ್ತೋತ್ರಂ ಪುರಾ ಕೃತ್ವಾ ಜೀವನ್ಮುಕ್ತೋ ಮಹೀತಲೇ ॥ 39-6॥

ಅತಃ ಶ್ರೀಕಾಲಿಕಾನಾಥ ಸ್ತೋತ್ರಂ ಶ‍ೃಣು ಮಹತ್ಫಲಮ್ ॥ 39-7॥

ಶ್ರೀವಿಷ್ಣೋರದ್ಭುತಕರ್ಮಣೋ ಬ್ರಹ್ಮರ್ಷಿಸ್ತ್ರಿಷ್ಟುಪ್ಛನ್ದಃ
ಶ್ರೀವಿಷ್ಣುಃ ಶ್ರೀಕೃಷ್ಣಃ ಶ್ರೀನಾರಾಯಣೋ ದೇವತಾ
ಸರ್ವಸ್ತೋತ್ರಸಾರಕವಚಮನ್ತ್ರಸಿದ್ಧ್ಯರ್ಥೇ ವಿನಿಯೋಗಃ ॥

ಶ್ರೀ ಕೃಷ್ಣಂ ಜಗತಾಮಧೀಶಮನಘಂ ಧ್ಯಾನಾತ್ಸಿದ್ಧಿಪ್ರದಂ
ಗೋವಿನ್ದಂ ಭವಸಿನ್ಧುಪಾರಕರಣಂ ಸನ್ತಾರಣಂ ಕಾರಣಮ್ ।
ಶ್ರೀ ವಿಷ್ಣುಂ ವನಮಾಲಿನಂ ನರಹರಿಂ ನಾರಾಯಣಂ ಗೋಕುಲಂ
ಯೋಗೇನ್ದ್ರಂ ನರನಾಥಮಾದಿಪುರುಷಂ ವೃನ್ದಾವನೇ ಭಾವಯೇತ್ ॥ 39-8॥

ಮೋಕ್ಷಶ್ರೀಸಹಿತಂ ಕೃತಾನ್ತವಿಕೃತಂ ಧರ್ಮಾರ್ಣವಂ ಸುನ್ದರಂ
ಶ್ರೀರಾಮಂ ಬಲರಾಮಭಾವವಿಮಲಂ ನಿತ್ಯಾಕುಲಂ ಸತ್ಕುಲಮ್ ।
ಶ್ರೀಶ್ಯಾಮಂ ಕನಕಾದಿಹಾರವಿಲಸತ್ಲಮ್ಬೋದರಂ ಶ್ರೀಧರಂ
ತಂ ವನ್ದೇ ಹರಿಮೀಶ್ವರಂ ಗುಣವತೀಮಾಯಾಶ್ರಯಂ ಸ್ವಾಶ್ರಯಮ್ ॥ 39-9॥

ವೈಕುಂಠೇಶಮಶೇಷದೋಷರಹಿತಂ ಸಾಯುಜ್ಯಮೋಕ್ಷಾತ್ಮಕಂ
ನಾನಾರತ್ನವಿನಿರ್ಮಿತಾ ಮಮ ಪೂಜಾ ರಾಜೇನ್ದ್ರಚೂಡಾಮಣಿಮ್ ।
ಶೋಭಾಮಂಡಲಮಂಡಿತಂ ಸುರತರುಚ್ಛಾಯಾಕರಂ ಯೋಗಿನಂ
ವಿದ್ಯಾಗೋಪಸುತಾವೃತಂ ಗುಣಮಯಂ ವಾಕ್ಸಿದ್ಧಯೇ ಭಾವಯೇತ್ ॥ 39-10॥

ಸ್ವಾಧಿಷ್ಠಾನನಿಕೇತನಂ ಪರಜನಂ ವಿದ್ಯಾಧನಂ ಮಾಯಿನಂ
ಶ್ರೀನಾಥಂ ಕುಲಯೋಗಿನಂ ತ್ರಿಭುವನೋಲ್ಲಾಸೈಕಬೀಜಂ ಪ್ರಭುಮ್ ।
ಸಂಸಾರೋತ್ಸವಭಾವಲಾಭನಿರತಂ ಸರ್ವಾದಿದೇಶಂ ಸುಖಂ
ವನ್ದೇಽಹಂ ವರಸರ್ಪಶತ್ರುಸಫಲೇ ಪೃಷ್ಠೇ ಸ್ಥಿರಾನನ್ದದಮ್ ॥ 39-11॥

ಭಾವಾಷ್ಟಂ ಭವಭಾವಯೋಗಜಡಿತಂ ಜಾಡ್ಯಾಪಹಂ ಭಾಸ್ವರಂ
ನಿತ್ಯಂ ಶುದ್ಧಗುಣಂ ಗಭೀರಧಿಷಣಾಮೋದೈಕಹೇತುಂ ಪತಿಮ್ ।
ಕೀರ್ತಿಕ್ಷೇಮಕರಂ ಮಹಾಭಯಹರಂ ಕಾಮಾಧಿದೈವಂ ಶಿವಂ
ತತ್ತತ್ಷಡ್ದಲಮಧ್ಯಗೇಹರುಚಿರಾನನ್ದೈಕದೇಶಾಸ್ಪದಮ್ ॥ 39-12॥

ವನ್ದೇ ಶ್ರೀಪತಿಮಚ್ಯುತಂ ನರಹರಿಂ ದೈತ್ಯಾರಿಶಿಕ್ಷ್ಯಾಕುಲಂ
ಗನ್ಧರ್ವಪ್ರಭೃತೇಃ ಸುಗಾಯನರತಂ ವಂಶೀಧರಂ ಭಾವದಮ್ ।
ರತ್ನಾನಾಮಧಿಪಂ ಗತಿಸ್ಥಮಚಲಂ ಗೋವರ್ಧನಾಧಾರಣಂ
ವಿಶ್ವಾಮಿತ್ರತಪೋಧನಾದಿ ಮುನಿಭಿಃ ಸಂಸೇವಿತಂ ತೈಜಸಮ್ ॥ 39-13॥

ವನ್ದೇ ಗೋವಿನ್ದಪಾದಾಮ್ಬುಜಮಜಮಜಿತಂ ರಾಜಿತಂ ಭಕ್ತಿಮಾರ್ಗೇ
ಸತ್ತ್ವೋತ್ಪನ್ನಂ ಪ್ರಭುತ್ವಂ ಪರಗಣನಮಿತಂ ಚಾರುಮಂಜೀರಹಾರಮ್ ।
ಹಂಸಾಕಾರಂ ಧವಲಗರುಡಾನನ್ದಪೃಷ್ಠೇ ನಿಮಗ್ನಂ
ಬನ್ಧೂಕಾರಕ್ತಸಾರಾನ್ವಿತಚರಣತಲಂ ಸರ್ವದಾಶಾನ್ತರಾಲಮ್ ॥ 39-14॥

ರಾಕಿಣ್ಯಾಃ ಪ್ರೇಮಸಿದ್ಧಂ ನವವಯಸಿಗತಂ ಗೀತವಾದ್ಯಾದಿರಾಗಂ
ರಾಗೋತ್ಪನ್ನಂ ಸುಫಲಗುಣದಂ ಗೋಕುಲಾನನ್ದಚನ್ದ್ರಮ್ ।
ವಾಣೀ-ಲಕ್ಷ್ಮೀ-ಪ್ರಿಯಂ ತಂ ತ್ರಿಭುವನಸುಜನಾಹ್ಲಾದಕರ್ತಾರಮಾದ್ಯಂ
ವನ್ದೇ ಸಿದ್ಧಾನ್ತಸಾರಂ ಗತಿನತಿರಹಿತಂ ಸಾರಸಂಕೇತಿತಾಪ್ತಮ್ ॥ 39-15॥

ಕಾಮಂ ಕಾಮಾತ್ಮಕಂ ತಂ ವಿಧುಗತಶಿರಸಂ ಕೃಷ್ಣಸಮ್ಬೋಧನಾನ್ತಂ
ಬೀಜಂ ಕಾಮಂ ಪುನಸ್ತತ್ ಪುರುಷಸುರತರುಂ ಭಾವಯಿತ್ವಾ ಭಜೇಽಹಮ್ ।
ಶ್ರೀಕೃಷ್ಣಂ ಕೃಷ್ಣಕೃಷ್ಣಂ ನಿರವಧಿಸುಖದಂ ಸುಪ್ರಕಾಶಂ ಪ್ರಸನ್ನಂ
ಸ್ವಾಧಿಷ್ಠಾನಾಖ್ಯಪದ್ಮೇ ಮನಸಿ ಗತೋ ಭವೇ ಸಿದ್ಧಿಸ್ಥಲಸ್ಥಮ್ ॥ 39-16॥

ಆಕಾಶೇ ಚಾರುಪದ್ಮೇ ರಸಭಯವಲಗಂ ರಕ್ತವರ್ಣಂ ಪ್ರಕಾಂಡಂ
ಆತ್ಮಾರಾಮಂ ನರೇನ್ದ್ರಂ ಸಕಲರತಿಕರಂ ಕಂಸಹನ್ತಾರಮಾದಿಮ್ ।
ಆದ್ಯನ್ತಸ್ಥಾನಹೀನಂ ವಿಧಿಹರಗಮನಂ ಸೇನ್ದ್ರನೀಲಾಮಲಾಭಂ
ಭಾವೋತ್ಸಾಹಂ ತ್ರಿಸರ್ಗಸ್ಥಿತಿಪರಮಮರಂ ಭಾವಯೇ ಭಾವಸಿದ್ಧ್ಯೈ ॥ 39-17॥

ಸರ್ವೇಷಾಂ ಜ್ಞಾನದಾನಂ ರಸದಲಕಮಲೇ ಸರ್ವದಾ ತ್ವಂ ಕರೋಷಿ
ಆತ್ಮಾನನ್ದಂ ಸುಧಾದಿಪ್ರಿಯಧನಗುಣಿನಾಮೇಕಯೋಗಪ್ರಧಾನಮ್ ।
ಮಾಯಾಪೂರ್ಣಃ ಪ್ರಚಯನವರಸಃ ಪ್ರೀತಿದೇಶಃ ಪ್ರಭೇಕಃ
ಶ್ರೀರಾಜಾಖ್ಯಃ ಪ್ರಪೂರ್ಣಃ ಮಯಿ ಧನರಹಿತೇ ದೃಷ್ಟಿಪಾತಂ ಭವಾದೌ ॥ 39-18॥

ಕಾಲೀ ಶ್ರೀಕುಂಡಲಿನ್ಯಾಃ ಪರಗೃಹನಿರತಂ ಭಾವಕಬ್ರಹ್ಮರೂಪಮ್ ।
ಮುಕ್ತಿಚ್ಛತ್ರಂ ಪುರೇಶಂ ನಿಜಧನಸುಖಂ ಭಾರ್ಯಯಾ ಕ್ರೀಡಯನ್ತಮ್ ।
ಸಭಾಕ್ಷೇತ್ರಂ ನೇತ್ರಂ ನಯಮಾನಮಯಮತ್ಪುರಸಂಸ್ಥಾಭಿಷೇಕಮ್ ॥ 39-19॥

ಧ್ಯಾತ್ವಾಽಹಂ ಪ್ರಣಮಾಮಿ ಸೂಕ್ಷ್ಮಕಮಲೇ ಲೋಕಾಧಿಪಂ ವ್ಯಾಧಿಪಂ
ವೈಕುಂಠಂ ಕೃಷ್ಣಮೀಡೇ ಕುರುಭವವಿಭವಕ್ಷೇಮಹನ್ತಾರಮನ್ತಮ್ ।
ಶಾನ್ತಾನಾಂ ಜ್ಞಾನಗಮ್ಯಂ ಸ್ವನಯನಕಮಲೇ ಪಾಲಯನ್ತಂ ತ್ರಿಮಾರ್ಗಂ
ವಜ್ರಾರಿಂ ಪೂತನಾರಿಂ ದ್ವಯವಕನರಕಧ್ವಾನ್ತಸಂಹಾರಸೂರಮ್ ॥ 39-20॥

ಮಾನ್ಯಂ ಲೋಕೇಷು ಸರ್ವೇಷ್ವತಿಶಯಮನಸಂ ಕೇವಲಂ ನಿರ್ಮಲಂಚ
ಓಂಕಾರಂ ಕಾರಣಾಖ್ಯಂ ಸುಗತಿಮತಿಮತಾಂ ಮಾತೃಕಾಮನ್ತ್ರಸಿದ್ಧಮ್ ।
ಸಿದ್ಧಾನಾಮಾದಿಸಿದ್ಧಂ ಸುರರಿಪುಶಮನಂ ಕಾಲರೂಪಂ ರಿಪೂಣಾಂ  var  ಸುರರಿಪುಮಮಲಂ
ಮೂಲೋರ್ಧ್ವೇ ಷಡ್ದಲಾನ್ತೇ ಮನಸಿ ಸುವಿಮಲೇ ಪೂರಯಿತ್ವಾ ಮುಕುನ್ದಮ್ ॥ 39-21॥

ನಿತ್ಯಂ ಸಮ್ಭಾವಯೇಽಹಂ ನಿಜತನುಸಮತಾ ಸಿದ್ಧಯೇ ಪೂಜಯಾಮಿ ।
ತ್ವಂ ಸಾಕ್ಷಾದಖಿಲೇಶ್ವರಃ ಪ್ರಿಯಕರಃ ಶ್ರೀಲೋಕಹಸ್ತಾರ್ಚಿತಃ ।
ಕ್ಷೋಣೀಶಃ ಪ್ರಲಯಾತ್ಮಕಃ ಪ್ರತಿಗುಣೀ ಜ್ಞಾನೀ ತ್ವಮೇಕೋ ಮಹಾನ್ ॥ 39-22॥

ಯದ್ಯೇವಂ ಮಮ ಪಾಮರಸ್ಯ ಕಲುಷಂ ಶ್ರೀಧರ್ಮಹೀನಾನ್ದಿತಂ
ಕೃತ್ವಾ ಪಾದತಲೇ ಯದೀಹ ನಿಯತಂ ವ್ಯಾರಕ್ಷ ರಕ್ಷಾತ್ಮಗಮ್ ।
ರಾಧಾಕೃಷ್ಣಪದಾಮಲಾಮ್ಬುಜತಲಂ ಚೈತನ್ಯಮುಕ್ತ್ಯಾಕುಲಂ
ಸರ್ವತ್ರಾದಿಗಮಾಗಮಂ ತ್ರಿಗಮನಂ ನಿರ್ವಾಣಮೋಕ್ಷಾಶ್ರಯಮ್ ॥ 39-23॥

ಬಾಲಂ ವೈರಿವಿನಾಶನಂ ಸುಖಮಯಂ ಕೈವಲ್ಯಮೋಕ್ಷಾಸ್ಪದಂ
ದೈವಂ ದೇವಗಣಾರ್ಚಿತಂ ರಸದಲೇ ಚಾರೋಪಯಾಮಿ ಪ್ರಭೋ ।
ನಿರ್ದ್ದಿಷ್ಟಂ ಭುವನಾಶ್ರಯಂ ಯತಿಪತಿಂ ನಿರ್ವಾಣಮೋಕ್ಷಸ್ಥಿತಂ
ನಿರ್ವಾಣಾದಿಕಮೋದನೇ ಪ್ರಚಪಲಂ ಶ್ರೀಚಂಚಲಾಸಂಕುಲಮ್ ॥ 39-24॥

ವನ್ದೇಽಹಂ ಪರಮೇಶ್ವರಂ ಸಕಲದೈತ್ಯಾನಾಂ ಬಲಪ್ರಾಣಹಮ್ ।
ಹಂಸಾರೂಢನಿರಕ್ಷಣಂ ಕ್ಷಣಗತಂ ವಾಣೀಪತಿಂ ಭೂಪತಿಮ್ ।
ವಾಂಛಾಕಲ್ಪಲತಾಪತಿಂ ಕುಲಪತಿಂ ವಿದ್ಯಾಪತಿಂ ಗೋಪತಿಮ್ ॥ 39-25॥

ಶ್ರೀವಿದ್ಯಾಪತಿಮಾದಿದೇವಪುರುಷಂ ವಿಶ್ವೇಶ್ವರಪ್ರೇಮಗಮ್ ।
ಶ್ರೀಕುಮ್ಭೋದ್ಭವಕಾಲಸತ್ತ್ವನಿಕರಂ ತ್ವಾಂ ಭಾಸ್ಕರಂ ಭಾವಯೇ ।
ಸಿದ್ಧಾನಾಮಭಿಚಿಹ್ನಯೋಗನಿರತಂ ರಕ್ಷ ತ್ವಮಾದೌ ಹಿ ಮಾಮ್ ॥ 39-26॥

ಪ್ರಭೋ ನಿಃಸಂಕೇತಂ ಗುಣಮಣಿಮತಂ ಶ್ರೇಯಸಿ ಮತಮ್ ।
ಮತಾಮನ್ತಃ ಸುಸ್ಥಂ ವಿಗಲಿತಮಹಾಪ್ರೇಮಸುರಸಮ್ ।
ಮುದಾ ವನ್ದೇ ಕೃಷ್ಣಂ ಹರಕರತಲಾಮ್ಭೋಜಯಜಿತಮ್ ॥ 39-27॥

ಪ್ರಭಾಪುಂಜಂ ರಾಮಾಶ್ರಯಪದಮದಂ ಕಾಮಕುಶಲಂ
ಮಹಾಮನ್ತ್ರಚ್ಛಾಯಾಂ ರಜನಿಮಿಲಿತಂ ಧ್ವಾನ್ತಜಡಿತಮ್ ।
ತ್ರಿಕೋಣಸ್ಥಂ ಕುಸ್ಥಂ ಕುಗತಿಸುಗತಿಂ ಕಾರಣಗತಿಂ
ಪ್ರಲೀನಂ ಸಂಸ್ಥಾನಂ ಜಗತಿ ಜಗತಾಂ ಧರ್ಮಮುದಯಮ್ ॥ 39-28॥

ರಮೇಶಂ ವಾಣೀಶಂ ವಿಧಿಗತಪದಂ ಶಮ್ಭುನಿಗತಂ
ತ್ರಿಕಾಲಂ ಯೋಗಾನಾಂ ನಯನಕಮಲಂ ಶಬ್ದನಿರತಮ್ ।
ಕುಲಾನನ್ದಂ ಗೋಪೀಜನಹೃದಯಗಂ ಗೋಪಿಯಜಿತಂ
ವಿಧಾನಂ ತ್ವಾಮಿನ್ದ್ರಂ ಗುರುತರಮುಪೇನ್ದ್ರಂ ಹರಿರಿಪುಮ್ ॥ 39-29॥

ಮುದಾ ತ್ವಾಂ ವನ್ದೇಽಹಂ ಚಪಲಂ ತಾಂ ಮೇ ನವಹವೇ ।
ಕುಲಾಲಾಪಶ್ರದ್ಧಾಮಯಮಖಿಲಸಿದ್ಧಿಪ್ರದಮನಮ್ ।
ಮಲಾತೀತಂ ನೀತಂ ಸುರನರಸತಾಂ ಶಾಸ್ತ್ರಭವನಮ್ ॥ 39-30॥

ವಿನೋದಂ ನಾರೀಣಾಂ ಹೃದಯರಸಿಕಂ ಶೋಕರಹಿತಮ್ ।
ವಿರಾಜಂ ಯಜ್ಞಾನಾಂ ಹಿತಮತಿಗುಣಂ ಯಾಮಿ ಶರಣಮ್ ॥ 39-31॥

ಏತತ್ಸಮ್ಬನ್ಧಮಾತ್ರೀ ಮಮ ಕುಲಶಿರಸಿ ಸ್ಥಾಯಿನಂ ಪಾತು ನಿತ್ಯಂ
ಗೋಪೀನಾಂ ಪ್ರಾಣನಾಥಃ ಪ್ರತಿದಿನಮನಿಶಂ ಭಾಲದೇಶಂ ಪ್ರಪಾಯಾತ್ ।
ಭಾಲಾಧೋದೇಶಸಂಸ್ಥಂ ಸಮವತು ಸಹಸಾ ರಾಜರಾಜೇಶ್ವರೇಶಃ
ಗೋಪಾನ್ವನ್ವೋ ಸುರೇಶಃ ಸ್ಥಿತ್ಯನ್ತಶಾಸ್ತ್ರನೇತ್ರಂ
ಸುಖಮಖಿಲಭವಃ ಕಂಠಚ್ಛತ್ರಾಭಿಸಂಸ್ಥಮ್ ॥ 39-32॥ (ಸುಖಮಖಿಲಮಯಃ)
ಪೃಷ್ಠಸ್ಥಂ ಪಾತು ಶೌರಿಃ ಪ್ರತಿದಿನಮಮರೋ ಲಿಂಗಬಾಹ್ಯಂ ಕಟಿಸ್ಥಂ
ಶಮ್ಭುಪ್ರೇಮಾಭಿಲಾಷೀ ಮಮ ತು ಕುಲಪದಂ ಗುಹ್ಯದೇಶಂ ಪ್ರಪಾಯಾತ್ ।
ಆನನ್ದೋದ್ರೇಕಕಾರೀ ಸಕಲತನುಗತಂ ಪಾತು ನಿತ್ಯಂ ಮುರಾರಿಃ
ದೈತ್ಯಾರಿಶ್ಚೋರುಮೂಲಂ ನೃಹರಿರವತು ಮೇ ಜಂಘಯಾ ಪಾದಪದ್ಮಮ್ ॥ 39-33॥ (ನರಹರಿವತಾಜಂಘ್ಯಾ)
ಏತತ್ಸ್ತೋತ್ರಂ ಪಠೇದ್ವಿದ್ವಾನ್ ನಿಯತೋ ಭಕ್ತಿಮಾನ್ ಶುಚಿಃ ।
ಸ್ಥಿರೋ ಭವತಿ ಮಾಸೇನ ಷಡ್ದಲೇ ಸರ್ವಸಿದ್ಧಿಭಾಕ್ ॥ 39-34॥

ಇತಿ ಶ್ರೀರುದ್ರಯಾಮಲೇ ಉತ್ತರತನ್ತ್ರೇ ಮಹಾತನ್ತ್ರೋದ್ದೀಪನೇ ಸಿದ್ಧಮನ್ತ್ರಪ್ರಕರಣೇ
ಷಟ್ಚಕ್ರಪ್ರಕಾಶೇ ಭೈರವಭೈರವೀಸಂವಾದೇ ಶ್ರೀಕೃಷ್ಣಸ್ತವನಕವಚಂ
ನಾಮೈಕೋನಚತ್ವಾರಿಂಶತ್ತಮಃ ಪಟಲಃ ॥ 39॥

The numbers correspond to paTala and verse numbers from
Rudrayamala uttaratantra.
**********



श्री कृष्ण स्तवन कवचम् 
अथैकोनचत्त्वारिंशः पटलः
आनन्दभैरवी उवाच
अथ नाथ प्रवक्ष्येऽहं संसारसाधनोत्तमम् ।
येन साधनमात्रेण योगी भवति तत्क्षणात् ॥ ३९-१॥

अनायासेन सिद्धिः स्याद् यद्यन्मनसि वर्तते ।
त्रैलोक्यं मोहयेत्क्षिप्रं त्रैलोक्यं वशमानयेत् ॥ ३९-२॥

रामेण सहितं नित्यं जगतां साक्षिणं वरम् ।
जामदग्न्यकराम्भोजसेवितं सर्वसेवितम् ॥ ३९-३॥

अनन्तसत्त्वनिलयं वासुकी सङ्गमाकुलम् ।
अष्टहस्ताग्रसुश्रीदं नानालङ्कारशोभितम् ॥ ३९-४॥

स्वाधिष्ठानगतं ध्यात्वा शीतलो जायते वशी ।
तत्स्तोत्रं श‍ृणु मे नाथ यत्पाठात् सिद्धिमाप्नुयात् ॥ ३९-५॥

श्रीकृष्णस्तोत्रं
ब्रह्मादयः सुराधीशा मुनयः क्रतुरक्षकाः ।
एतत् स्तोत्रं पुरा कृत्वा जीवन्मुक्तो महीतले ॥ ३९-६॥

अतः श्रीकालिकानाथ स्तोत्रं श‍ृणु महत्फलम् ॥ ३९-७॥

श्रीविष्णोरद्भुतकर्मणो ब्रह्मर्षिस्त्रिष्टुप्छन्दः
श्रीविष्णुः श्रीकृष्णः श्रीनारायणो देवता
सर्वस्तोत्रसारकवचमन्त्रसिद्ध्यर्थे विनियोगः ॥

श्री कृष्णं जगतामधीशमनघं ध्यानात्सिद्धिप्रदं
गोविन्दं भवसिन्धुपारकरणं सन्तारणं कारणम् ।
श्री विष्णुं वनमालिनं नरहरिं नारायणं गोकुलं
योगेन्द्रं नरनाथमादिपुरुषं वृन्दावने भावयेत् ॥ ३९-८॥

मोक्षश्रीसहितं कृतान्तविकृतं धर्मार्णवं सुन्दरं
श्रीरामं बलरामभावविमलं नित्याकुलं सत्कुलम् ।
श्रीश्यामं कनकादिहारविलसत्लम्बोदरं श्रीधरं
तं वन्दे हरिमीश्वरं गुणवतीमायाश्रयं स्वाश्रयम् ॥ ३९-९॥

वैकुण्ठेशमशेषदोषरहितं सायुज्यमोक्षात्मकं
नानारत्नविनिर्मिता मम पूजा राजेन्द्रचूडामणिम् ।
शोभामण्डलमण्डितं सुरतरुच्छायाकरं योगिनं
विद्यागोपसुतावृतं गुणमयं वाक्सिद्धये भावयेत् ॥ ३९-१०॥

स्वाधिष्ठाननिकेतनं परजनं विद्याधनं मायिनं
श्रीनाथं कुलयोगिनं त्रिभुवनोल्लासैकबीजं प्रभुम् ।
संसारोत्सवभावलाभनिरतं सर्वादिदेशं सुखं
वन्देऽहं वरसर्पशत्रुसफले पृष्ठे स्थिरानन्ददम् ॥ ३९-११॥

भावाष्टं भवभावयोगजडितं जाड्यापहं भास्वरं
नित्यं शुद्धगुणं गभीरधिषणामोदैकहेतुं पतिम् ।
कीर्तिक्षेमकरं महाभयहरं कामाधिदैवं शिवं
तत्तत्षड्दलमध्यगेहरुचिरानन्दैकदेशास्पदम् ॥ ३९-१२॥

वन्दे श्रीपतिमच्युतं नरहरिं दैत्यारिशिक्ष्याकुलं
गन्धर्वप्रभृतेः सुगायनरतं वंशीधरं भावदम् ।
रत्नानामधिपं गतिस्थमचलं गोवर्धनाधारणं
विश्वामित्रतपोधनादि मुनिभिः संसेवितं तैजसम् ॥ ३९-१३॥

वन्दे गोविन्दपादाम्बुजमजमजितं राजितं भक्तिमार्गे
सत्त्वोत्पन्नं प्रभुत्वं परगणनमितं चारुमञ्जीरहारम् ।
हंसाकारं धवलगरुडानन्दपृष्ठे निमग्नं
बन्धूकारक्तसारान्वितचरणतलं सर्वदाशान्तरालम् ॥ ३९-१४॥

राकिण्याः प्रेमसिद्धं नववयसिगतं गीतवाद्यादिरागं
रागोत्पन्नं सुफलगुणदं गोकुलानन्दचन्द्रम् ।
वाणी-लक्ष्मी-प्रियं तं त्रिभुवनसुजनाह्लादकर्तारमाद्यं
वन्दे सिद्धान्तसारं गतिनतिरहितं सारसङ्केतिताप्तम् ॥ ३९-१५॥

कामं कामात्मकं तं विधुगतशिरसं कृष्णसम्बोधनान्तं
बीजं कामं पुनस्तत् पुरुषसुरतरुं भावयित्वा भजेऽहम् ।
श्रीकृष्णं कृष्णकृष्णं निरवधिसुखदं सुप्रकाशं प्रसन्नं
स्वाधिष्ठानाख्यपद्मे मनसि गतो भवे सिद्धिस्थलस्थम् ॥ ३९-१६॥

आकाशे चारुपद्मे रसभयवलगं रक्तवर्णं प्रकाण्डं
आत्मारामं नरेन्द्रं सकलरतिकरं कंसहन्तारमादिम् ।
आद्यन्तस्थानहीनं विधिहरगमनं सेन्द्रनीलामलाभं
भावोत्साहं त्रिसर्गस्थितिपरममरं भावये भावसिद्ध्यै ॥ ३९-१७॥

सर्वेषां ज्ञानदानं रसदलकमले सर्वदा त्वं करोषि
आत्मानन्दं सुधादिप्रियधनगुणिनामेकयोगप्रधानम् ।
मायापूर्णः प्रचयनवरसः प्रीतिदेशः प्रभेकः
श्रीराजाख्यः प्रपूर्णः मयि धनरहिते दृष्टिपातं भवादौ ॥ ३९-१८॥

काली श्रीकुण्डलिन्याः परगृहनिरतं भावकब्रह्मरूपम् ।
मुक्तिच्छत्रं पुरेशं निजधनसुखं भार्यया क्रीडयन्तम् ।
सभाक्षेत्रं नेत्रं नयमानमयमत्पुरसंस्थाभिषेकम् ॥ ३९-१९॥

ध्यात्वाऽहं प्रणमामि सूक्ष्मकमले लोकाधिपं व्याधिपं
वैकुण्ठं कृष्णमीडे कुरुभवविभवक्षेमहन्तारमन्तम् ।
शान्तानां ज्ञानगम्यं स्वनयनकमले पालयन्तं त्रिमार्गं
वज्रारिं पूतनारिं द्वयवकनरकध्वान्तसंहारसूरम् ॥ ३९-२०॥

मान्यं लोकेषु सर्वेष्वतिशयमनसं केवलं निर्मलञ्च
ओङ्कारं कारणाख्यं सुगतिमतिमतां मातृकामन्त्रसिद्धम् ।
सिद्धानामादिसिद्धं सुररिपुशमनं कालरूपं रिपूणां  var  सुररिपुममलं
मूलोर्ध्वे षड्दलान्ते मनसि सुविमले पूरयित्वा मुकुन्दम् ॥ ३९-२१॥

नित्यं सम्भावयेऽहं निजतनुसमता सिद्धये पूजयामि ।
त्वं साक्षादखिलेश्वरः प्रियकरः श्रीलोकहस्तार्चितः ।
क्षोणीशः प्रलयात्मकः प्रतिगुणी ज्ञानी त्वमेको महान् ॥ ३९-२२॥

यद्येवं मम पामरस्य कलुषं श्रीधर्महीनान्दितं
कृत्वा पादतले यदीह नियतं व्यारक्ष रक्षात्मगम् ।
राधाकृष्णपदामलाम्बुजतलं चैतन्यमुक्त्याकुलं
सर्वत्रादिगमागमं त्रिगमनं निर्वाणमोक्षाश्रयम् ॥ ३९-२३॥

बालं वैरिविनाशनं सुखमयं कैवल्यमोक्षास्पदं
दैवं देवगणार्चितं रसदले चारोपयामि प्रभो ।
निर्द्दिष्टं भुवनाश्रयं यतिपतिं निर्वाणमोक्षस्थितं
निर्वाणादिकमोदने प्रचपलं श्रीचञ्चलासङ्कुलम् ॥ ३९-२४॥

वन्देऽहं परमेश्वरं सकलदैत्यानां बलप्राणहम् ।
हंसारूढनिरक्षणं क्षणगतं वाणीपतिं भूपतिम् ।
वाञ्छाकल्पलतापतिं कुलपतिं विद्यापतिं गोपतिम् ॥ ३९-२५॥

श्रीविद्यापतिमादिदेवपुरुषं विश्वेश्वरप्रेमगम् ।
श्रीकुम्भोद्भवकालसत्त्वनिकरं त्वां भास्करं भावये ।
सिद्धानामभिचिह्नयोगनिरतं रक्ष त्वमादौ हि माम् ॥ ३९-२६॥

प्रभो निःसङ्केतं गुणमणिमतं श्रेयसि मतम् ।
मतामन्तः सुस्थं विगलितमहाप्रेमसुरसम् ।
मुदा वन्दे कृष्णं हरकरतलाम्भोजयजितम् ॥ ३९-२७॥

प्रभापुञ्जं रामाश्रयपदमदं कामकुशलं
महामन्त्रच्छायां रजनिमिलितं ध्वान्तजडितम् ।
त्रिकोणस्थं कुस्थं कुगतिसुगतिं कारणगतिं
प्रलीनं संस्थानं जगति जगतां धर्ममुदयम् ॥ ३९-२८॥

रमेशं वाणीशं विधिगतपदं शम्भुनिगतं
त्रिकालं योगानां नयनकमलं शब्दनिरतम् ।
कुलानन्दं गोपीजनहृदयगं गोपियजितं
विधानं त्वामिन्द्रं गुरुतरमुपेन्द्रं हरिरिपुम् ॥ ३९-२९॥

मुदा त्वां वन्देऽहं चपलं तां मे नवहवे ।
कुलालापश्रद्धामयमखिलसिद्धिप्रदमनम् ।
मलातीतं नीतं सुरनरसतां शास्त्रभवनम् ॥ ३९-३०॥

विनोदं नारीणां हृदयरसिकं शोकरहितम् ।
विराजं यज्ञानां हितमतिगुणं यामि शरणम् ॥ ३९-३१॥

एतत्सम्बन्धमात्री मम कुलशिरसि स्थायिनं पातु नित्यं
गोपीनां प्राणनाथः प्रतिदिनमनिशं भालदेशं प्रपायात् ।
भालाधोदेशसंस्थं समवतु सहसा राजराजेश्वरेशः
गोपान्वन्वो सुरेशः स्थित्यन्तशास्त्रनेत्रं
सुखमखिलभवः कण्ठच्छत्राभिसंस्थम् ॥ ३९-३२॥ (सुखमखिलमयः)
पृष्ठस्थं पातु शौरिः प्रतिदिनममरो लिङ्गबाह्यं कटिस्थं
शम्भुप्रेमाभिलाषी मम तु कुलपदं गुह्यदेशं प्रपायात् ।
आनन्दोद्रेककारी सकलतनुगतं पातु नित्यं मुरारिः
दैत्यारिश्चोरुमूलं नृहरिरवतु मे जङ्घया पादपद्मम् ॥ ३९-३३॥ (नरहरिवताजङ्घ्या)
एतत्स्तोत्रं पठेद्विद्वान् नियतो भक्तिमान् शुचिः ।
स्थिरो भवति मासेन षड्दले सर्वसिद्धिभाक् ॥ ३९-३४॥

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणे
षट्चक्रप्रकाशे भैरवभैरवीसंवादे श्रीकृष्णस्तवनकवचं
नामैकोनचत्वारिंशत्तमः पटलः ॥ ३९॥


The numbers correspond to paTala and verse numbers from
Rudrayamala uttaratantra
**********