ಷಣ್ಮುಖ ಭುಜಂಗ ಸ್ತುತಿಃ ಚಂದ್ರಶೇಖರ ಭಾರತಿ ವಿರಚಿತಮ್ षण्मुख भुजङ्ग स्तुतिः shanmukha bhujanga stutih by chandrashekara bharati

Shri Shanmukha bhujanga stutih   ಶ್ರೀ ಷಣ್ಮುಖ ಭುಜಂಗ ಸ್ತುತಿಃ 

ಶ್ರೀಜಗದ್ಗುರು ಶ‍ೃಂಗೇರೀ
ಶ್ರೀಚನ್ದ್ರಶೇಖರಭಾರತೀಸ್ವಾಮಿ ಅನುಗೃಹೀತಾ
ಹ್ರಿಯಾ ಲಕ್ಷ್ಮ್ಯಾ ವಲ್ಯಾ ಸುರಪೃತನಯಾಽಽಲಿಂಗಿತತನುಃ
     ಮಯೂರಾರೂಢೋಽಯಂ ಶಿವವದನಪಂಕೇರುಹರವಿಃ ।
ಷಡಾಸ್ಯೋ ಭಕ್ತಾನಾಮಚಲಹೃದಿ ವಾಸಂ ಪ್ರತನವಾ
     ಇತೀಮಾಂ ಬುದ್ಧಿಂ ದ್ರಾಗಚಲನಿಲಯಃ ಸಂಜನಯತಿ ॥ 1॥

ಸ್ಮಿತನ್ಯಕ್ಕೃತೇನ್ದುಪ್ರಭಾಕುನ್ದಪುಷ್ಪಂ
     ಸಿತಾಭ್ರಾಗರುಪ್ರಷ್ಠಗನ್ಧಾನುಲಿಪ್ತಮ್ ।
ಶ್ರಿತಾಶೇಷಲೋಕೇಷ್ಟದಾನಾಮರದ್ರುಂ
     ಸದಾ ಷಣ್ಮುಖಂ ಭಾವಯೇ ಹೃತ್ಸರೋಜೇ ॥ 2॥

ಶರೀರೇನ್ದ್ರಿಯಾದಾವಹಮ್ಭಾವಜಾತಾನ್
     ಷಡೂರ್ಮೀರ್ವಿಕಾರಾಂಶ್ಚ ಶತ್ರೂನ್ನಿಹನ್ತುಮ್ ।
ನತಾನಾಂ ದಧೇ ಯಸ್ತಮಾಸ್ಯಾಬ್ಜಷಟ್ಕಂ
     ಸದಾ ಷಣ್ಮುಖಂ ಭಾವಯೇ ಹೃತ್ಸರೋಜೇ ॥ 3॥

ಅಪರ್ಣಾಖ್ಯವಲ್ಲೀಸಮಾಶ್ಲೇಷಯೋಗಾತ್
     ಪುರಾ ಸ್ಥಾಣುತೋ ಯೋಽಜನಿಷ್ಟಾಮರಾರ್ಥಮ್ ।
ವಿಶಾಖಂ ನಗೇ ವಲ್ಲಿಕಾಲಿಂಗಿತಂ ತಂ
     ಸದಾ ಷಣ್ಮುಖಂ ಭಾವಯೇ ಹೃತ್ಸರೋಜೇ ॥ 4॥

ಗುಕಾರೇಣ ವಾಚ್ಯಂ ತಮೋ ಬಾಹ್ಯಮನ್ತಃ
     ಸ್ವದೇಹಾಭಯಾ ಜ್ಞಾನದಾನೇನ ಹನ್ತಿ ।
ಯ ಏನಂ ಗುಹಂ ವೇದಶೀರ್ಷೈಕಮೇಯಂ
     ಸದಾ ಷಣ್ಮುಖಂ ಭಾವಯೇ ಹೃತ್ಸರೋಜೇ ॥ 5॥

ಯತಃ ಕರ್ಮಮಾರ್ಗೋ ಭುವಿ ಖ್ಯಾಪಿತಸ್ತಂ
     ಸ್ವನೃತ್ಯೇ ನಿಮಿತ್ತಸ್ಯ ಹೇತುಂ ವಿದಿತ್ವಾ ।
ವಹತ್ಯಾದರಾನ್ಮೇಘನಾದಾನುಲಾಸೀ
     ಸದಾ ಷಣ್ಮುಖಂ ಭಾವಯೇ ಹೃತ್ಸರೋಜೇ ॥ 6॥

ಕೃಪಾವಾರಿರಾಶಿರ್ನೃಣಾಮಾಸ್ತಿಕತ್ವಂ
     ದೃಢಂ ಕರ್ತುಮದ್ಯಾಪಿ ಯಃ ಕುಕ್ಕುಟಾದೀನ್ ।
ಭೃಶಂ ಪಾಚಿತಾನ್ಜೀವಯನ್ ರಾಜತೇ ತಂ
     ಸದಾ ಷಣ್ಮುಖಂ ಭಾವಯೇ ಹೃತ್ಸರೋಜೇ ॥ 7॥

ಭುಜಂಗಪ್ರಯಾತೇನ ವೃತ್ತೇನ ಕ್ಲೃಪ್ತಾಂ
     ಸ್ತುತಿಂ ಷಣ್ಮುಖಸ್ಯಾದರಾದ್ಯೇ ಪಠನ್ತಿ ।
ಸುಪುತ್ರಾಯುರಾರೋಗ್ಯಸಮ್ಪದ್ವಿಶಿಷ್ಟಾನ್
     ಕರೋತ್ಯೇವ ತಾನ್ ಷಣ್ಮುಖಃ ಸದ್ವಿದಗ್ರ್ಯಾನ್ ॥ 8॥

ಇತಿ ಶ್ರೀಜಗದ್ರುರು ಶ್ರೀಶ‍ೃಂಗೇರೀಪೀಠಾಧಿಪ ಶ್ರೀಚನ್ದ್ರಶೇಖರಭಾರತೀ
     ಶ್ರೀಪಾದೈಃ ವಿರಚಿತಾ ಷಣ್ಮುಖಭುಜಂಗಸ್ತುತಿಃ ಸಮಾಪ್ತಾ ।
**********

श्री षण्मुख भुजङ्ग स्तुतिः 
श्रीजगद्गुरु श‍ृङ्गेरी
श्रीचन्द्रशेखरभारतीस्वामि अनुगृहीता
ह्रिया लक्ष्म्या वल्या सुरपृतनयाऽऽलिङ्गिततनुः
     मयूरारूढोऽयं शिववदनपङ्केरुहरविः ।
षडास्यो भक्तानामचलहृदि वासं प्रतनवा
     इतीमां बुद्धिं द्रागचलनिलयः सञ्जनयति ॥ १॥

स्मितन्यक्कृतेन्दुप्रभाकुन्दपुष्पं
     सिताभ्रागरुप्रष्ठगन्धानुलिप्तम् ।
श्रिताशेषलोकेष्टदानामरद्रुं
     सदा षण्मुखं भावये हृत्सरोजे ॥ २॥

शरीरेन्द्रियादावहम्भावजातान्
     षडूर्मीर्विकारांश्च शत्रून्निहन्तुम् ।
नतानां दधे यस्तमास्याब्जषट्कं
     सदा षण्मुखं भावये हृत्सरोजे ॥ ३॥

अपर्णाख्यवल्लीसमाश्लेषयोगात्
     पुरा स्थाणुतो योऽजनिष्टामरार्थम् ।
विशाखं नगे वल्लिकालिङ्गितं तं
     सदा षण्मुखं भावये हृत्सरोजे ॥ ४॥

गुकारेण वाच्यं तमो बाह्यमन्तः
     स्वदेहाभया ज्ञानदानेन हन्ति ।
य एनं गुहं वेदशीर्षैकमेयं
     सदा षण्मुखं भावये हृत्सरोजे ॥ ५॥

यतः कर्ममार्गो भुवि ख्यापितस्तं
     स्वनृत्ये निमित्तस्य हेतुं विदित्वा ।
वहत्यादरान्मेघनादानुलासी
     सदा षण्मुखं भावये हृत्सरोजे ॥ ६॥

कृपावारिराशिर्नृणामास्तिकत्वं
     दृढं कर्तुमद्यापि यः कुक्कुटादीन् ।
भृशं पाचितान्जीवयन् राजते तं
     सदा षण्मुखं भावये हृत्सरोजे ॥ ७॥

भुजङ्गप्रयातेन वृत्तेन क्लृप्तां
     स्तुतिं षण्मुखस्यादराद्ये पठन्ति ।
सुपुत्रायुरारोग्यसम्पद्विशिष्टान्
     करोत्येव तान् षण्मुखः सद्विदग्र्यान् ॥ ८॥

इति श्रीजगद्रुरु श्रीश‍ृङ्गेरीपीठाधिप श्रीचन्द्रशेखरभारती
     श्रीपादैः विरचिता षण्मुखभुजङ्गस्तुतिः समाप्ता ।
**********