ರಾಮ ಸ್ತುತಿ ತುಲಸಿದಾಸ ವಿರಚಿತಮ್ राम स्तुति ram stuti from ramcharitmanas

Ram Stuti from Shri Ramcharitmanas
 ರಾಮ ಸ್ತುತಿ 
ಗೋಸ್ವಾಮೀ ತುಲಸೀದಾಸ ವಿರಚಿತ ಶ್ರೀರಾಮಚರಿತಮಾನಸ 

                        ಬಾಲಕಾಂಡ 
                        ರಾಮ ಜನ್ಮ

ಭಯೇ ಪ್ರಗಟ ಕೃಪಾಲಾ ದೀನದಯಾಲಾ ಕೌಸಲ್ಯಾ ಹಿತಕಾರೀ ।
ಹರಷಿತ ಮಹತಾರೀ ಮುನಿ ಮನ ಹಾರೀ ಅದ್ಭುತ ರೂಪ ಬಿಚಾರೀ ॥

ಲೋಚನ ಅಭಿರಾಮಾ ತನು ಘನಸ್ಯಾಮಾ ನಿಜ ಆಯುಧ ಭುಜ ಚಾರೀ ।
ಭೂಷನ ವನಮಾಲಾ ನಯನ ಬಿಸಾಲಾ ಸೋಭಾಸಿನ್ಧು ಖರಾರೀ ॥

ಕಹ ದುಇ ಕರ ಜೋರೀ ಅಸ್ತುತಿ ತೋರೀ ಕೇಹಿ ಬಿಧಿ ಕರೌಂ ಅನಂತಾ ।
ಮಾಯಾ ಗುಅನ ಗ್ಯಾನಾತೀತ ಅಮಾನಾ ವೇದ ಪುರಾನ ಭನಂತಾ ॥

ಕರುನಾ ಸುಖ ಸಾಗರ ಸಬ ಗುನ ಆಗರ ಜೇಹಿ ಗಾವಹಿಂ ಶ್ರುತಿ ಸಂತಾ ।
ಸೋ ಮಮ ಹಿತ ಲಾಗೀ ಜನ ಅನುರಾಗೀ ಭಯಉ ಪ್ರಕಟ ಶ್ರೀಕಂತಾ ॥

ಬ್ರಹ್ಮಾಂಡ ನಿಕಾಯಾ ನಿರ್ಮಿತ ಮಾಯಾ ರೋಮ ರೋಮ ಪ್ರತಿ ಬೇದ ಕಹೈ ।
ಮಮ ಉರ ಸೋ ಬಾಸೀ ಯಹ ಉಪಹಾಸೀ ಸುನತ ಧೀರ ಮತಿ ಥಿರ ನ ರಹೈ ॥

ಉಪಜಾ ಜಬ ಗ್ಯಾನಾ ಪ್ರಭು ಮುಸುಕಾನಾ ಚರಿತ ಬಹುತ ಬಿಧಿ ಕೀನ್ಹ ಚಹೈ ।
ಕಹಿ ಕಥಾ ಸುಹಾಈ ಮಾತು ಬುಝಾಈ ಜೇಹಿ ಪ್ರಕಾರ ಸುತ ಪ್ರೇಮ ಲಹೈ ॥

ಮಾತಾ ಪುನಿ ಬೋಲೀ ಸೋ ಮತಿ ಡೋಲೀ ತಜಹು ತಾತ ಯಹ ರೂಪಾ ।
ಕೀಜೇ ಸಿಸುಲೀಲಾ ಅತಿ ಪ್ರಿಯಸೀಲಾ ಯಹ ಸುಖ ಪರಮ ಅನೂಪಾ ॥

ಸುನಿ ಬಚನ ಸುಜಾನಾ ರೋದನ ಠಾನಾ ಹೋಇ ಬಾಲಕ ಸುರಭೂಪಾ ।
ಯಹ ಚರಿತ ಜೇ ಗಾವಹಿ ಹರಿಪದ ಪಾವಹಿ ತೇ ನ ಪರಹಿಂ ಭವಕೂಪಾ ॥

     ಬಿಪ್ರ ಧೇನು ಸುರ ಸಂತ ಹಿತ ಲೀನ್ಹ ಮನುಜ ಅವತಾರ ।
     ನಿಜ ಇಚ್ಛಾ ನಿರ್ಮಿತ ತನು ಮಾಯಾ ಗುನ ಗೋ ಪಾರ ॥

                        ಅರಣ್ಯಕಾಂಡ 
                  ಅತ್ರಿ ಮುನಿ ದ್ವಾರಾ ಸ್ತುತಿ

ನಮಾಮಿ ಭಕ್ತ ವತ್ಸಲಮ್ । ಕೃಪಾಲು ಶೀಲ ಕೋಮಲಮ್ ॥

ಭಜಾಮಿ ತೇ ಪದಾಂಬುಜಮ್ । ಅಕಾಮಿನಾಮ್ ಸ್ವಧಾಮದಮ್ ॥

ನಿಕಾಮ್ ಶ್ಯಾಮ್ ಸುಂದರಮ್ । ಭವಾಮ್ಬುನಾಥ ಮಂದರಮ್ ॥

ಪ್ರಫುಲ್ಲ ಕಂಜ ಲೋಚನಮ್ । ಮದಾದಿ ದೋಷ ಮೋಚನಮ್ ॥

ಪ್ರಲಂಬ ಬಾಹು ವಿಕ್ರಮಮ್ । ಪ್ರಭೋಽಪ್ರಮೇಯ ವೈಭವಮ್ ॥

ನಿಷಂಗ ಚಾಪ ಸಾಯಕಮ್ । ಧರಮ್ ತ್ರಿಲೋಕ ನಾಯಕಮ್ ॥

ದಿನೇಶ ವಂಶ ಮಂದನಮ್ । ಮಹೇಶ ಚಾಪ ಖಂದನಮ್ ॥

ಮುನೀಂದ್ರ ಸಂತ ರಂಜನಮ್ । ಸುರಾರಿ ವೃನ್ದ ಭಂಜನಮ್ ॥

ಮನೋಜ ವೈರಿ ವಂದಿತಮ್ । ಅಜಾದಿ ದೇವ ಸೇವಿತಮ್ ॥

ವಿಶುದ್ಧ ಬೋಧ ವಿಗ್ರಹಮ್ । ಸಮಸ್ತ ದೂಷಣಾಪಹಮ್ ॥

ನಮಾಮಿ ಇಂದಿರಾ ಪತಿಮ್ । ಸುಖಾಕರಮ್ ಸತಾಮ್ ಗತಿಮ್ ॥

ಭಜೇ ಸಶಕ್ತಿ ಸಾನುಜಮ್ । ಶಚೀ ಪತಿ ಪ್ರಿಯಾನುಜಮ್ ॥

ತ್ವದಂಘ್ರಿ ಮೂಲ ಯೇ ನರಾಹ । ಭಜಂತಿ ಹೀನ ಮತ್ಸರಾಹ ॥

ಪತಂತಿ ನೋ ಭವಾರ್ಣವೇ । ವಿತರ್ಕ ವೀಚಿ ಸಂಕುಲೇ ॥

ವಿವಿಕ್ತ ವಾಸಿನಹ ಸದಾ । ಭಜಂತಿ ಮುಕ್ತಯೇ ಮುದಾ ॥

ನಿರಸ್ಯ ಇಂದ್ರಿಯಾದಿಕಮ್ । ಪ್ರಯಾಂತಿ ತೇ ಗತಿಮ್ ಸ್ವಕಮ್ ॥

ತಮೇಕಮದ್ಭುತಮ್ ಪ್ರಭುಮ್ । ನಿರೀಹಮೀಶ್ವರಮ್ ವಿಭುಮ್ ॥

ಜಗದ್ಗುರುಮ್ ಚ ಶಾಶ್ವತಮ್ । ತುರೀಯಮೇವ ಕೇವಲಮ್ ॥

ಭಜಾಮಿ ಭಾವ ವಲ್ಲಭಮ್ । ಕುಯೋಗಿನಾಮ್ ಸುದುರ್ಲಭಮ್ ॥

ಸ್ವಭಕ್ತ ಕಲ್ಪ ಪಾದಪಮ್ । ಸಮಮ್ ಸುಸೇವ್ಯಮನ್ವಹಮ್ ॥

ಅನೂಪ ರೂಪ ಭೂಪತಿಮ್ । ನತೋಽಹಮುರ್ವಿಜಾ ಪತಿಮ್ ॥

ಪ್ರಸೀದ ಮೇ ನಮಾಮಿ ತೇ । ಪದಾಬ್ಜ ಭಕ್ತಿ ದೇಹಿ ಮೇ ॥

ಪಠಂತಿ ಯೇ ಸ್ತವಮ್ ಇದಮ್ । ನರಾದರೇಣ ತೇ ಪದಮ್ ॥

ವ್ರಜಂತಿ ನಾತ್ರ ಸಂಶಯಮ್ । ತ್ವದೀಯ ಭಕ್ತಿ ಸಂಯುತಾಹ ॥

                        ಅರಣ್ಯಕಾಂಡ 
                  ಮುನಿ ಸುತೀಕ್ಷ್ಷ್ಣ ದ್ವಾರಾ ಸ್ತುತಿ

ಕಹ ಮುನಿ ಪ್ರಭು ಸುನ ಬಿನತೀ ಮೋರೀ । ಅಸ್ತುತಿ ಕರೌಂ ಕವನ ಬಿಧಿ ತೋರೀ ॥

ಮಹಿಮಾ ಅಮಿತ ಮೋರಿ ಮತಿ ಥೋರೀ । ರಬಿ ಸನ್ಮುಖ ಖದ್ಯೋತ ಅँಜೋರೀ ॥

ಶ್ಯಾಮ ತಾಮರಸ ದಾಮ ಶರೀರಮ್ । ಜಟಾ ಮುಕುಟ ಪರಿಧನ ಮುನಿಚೀರಮ್ ॥

ಪಾಣಿ ಚಾಪ ಶರ ಕತಿ ತುಣೀರಮ್ । ನೌಮಿ ನಿರಂತರ ಶ್ರೀ ರಘುವೀರಮ್ ॥

ಮೋಹ ವಿಪಿನ ಘನ ದಹನ ಕೃಶಾನುಹ । ಸಂತ ಸರೋರುಹ ಕಾನನ ಭಾನುಹ ॥

ನಿಶಿಚರ ಕರಿ ಬರೂಥ ಮೃಗರಾಜಹ ॥ ತ್ರಾತು ಸದಾ ನೋ ಭವ ಖಗ ಬಾಜಹ ॥

ಅರುಣ ನಯನ ರಜೀವ ಸುವೇಶಮ್ । ಸಿತಾ ನಯನ ಚಕೋರ ನಿಶೇಶಮ್ ।
ಹರ ಹೃದಿ ಮಾನಸ ಬಾಲ ಮರಾಲಮ್ । ನೌಮಿ ರಾಮ ಉರ ಬಾಹು ವಿಶಾಲಮ್ ॥

ಸಂಸಯ ಸರ್ಪ ಗ್ರಸನ ಉರಗಾದಹ । ಶಮನ ಸುಕರ್ಕಶ ತರ್ಕ ವಿಷದಹ ॥

ಭವ ಭಂಜನ ರಂಜನ ಸುರ ಯೂಥಹ । ತ್ರಾತು ನಾಥ ನೋ ಕ್ಱ್6ಇಪಾ ವರೂಥಹ ॥

ನಿರ್ಗುಣ ಸಗುಣ ವಿಷಮ ಸಮ ರೂಪಮ್ । ಗ़್ಯಾನ ಗಿರಾ ಗೋತೀತಮನೂಪಮ್ ॥

ಅಮಲಮ ಅಖಿಲಮ ಅನವದ್ಯಮ ಅಪಾರಮ್ । ನೌಮಿ ರಾಮ ಭಂಜನ ಮಹಿ ಭಾರಮ್ ॥

ಭಕ್ತ ಕಲ್ಪ ಪಾದಪ ಆರಾಮಹ । ತರ್ಜನ ಕ್ರೋಧ ಲೋಭ ಮದ ಕಾಮಹ ॥

ಅತಿ ನಾಗರ ಭವ ಸಾಗರ ಸೇತುಹ । ತ್ರಾತು ಸದಾ ದಿನಕರ ಕುಲ ಕೇತುಹ ॥

ಅತುಲಿತ ಭುಜ ಪ್ರತಾಪ ಬಲ ಧಾಮಹ । ಕಲಿ ಮಲ ವಿಪುಲ ವಿಭಂಜನ ನಾಮಹ ॥

ಧರ್ಮ ವರ್ಮ ನರ್ಮದ ಗುಣ ಗ್ರಾಮಹ । ಸಂತತ ಶಮ ತನೋತು ಮಮ ರಾಮಹ ॥

ಜದಪಿ ಬಿರಜ ಬ್ಯಾಪಕ ಅಬಿನಾಸೀ । ಸಬ ಕೇ ಹೃದಯಂ ನಿರ್ಂತರ ಬಾಸೀ ॥

ತದಪಿ ಅನುಜ ಶ್ರೀ ಸಹಿತ ಖರಾರೀ । ಬಸತು ಮನಸಿ ಸಮ ಕಾನನಚಾರೀ ॥

ಜೇ ಜಾನಹಿಂ ತೇ ಜಾನಹುಂ ಸ್ವಾಮೀ । ಸಗುನ ಅಗುನ ಉರ ಅಂತರಜಾಮೀ ॥

ಜೋ ಕೋಸಲಪತಿ ರಾಜಿವ ನಯನಾ । ಕರೌ ಸೋ ರಾಮ ಹೃದಯ ಮಮ ಅಯನಾ ॥

ಅಸ ಅಭಿಮಾನ ಜಾಇ ಜನಿ ಭೋರೇ । ಮೈಂ ಸೇವಕ ರಘುಪತಿ ಪತಿ ಮೋರೇ।

                        ಉತ್ತರಕಾಂಡ
         ಶ್ರೀರಾಮ ಕೇ ರಾಜ್ಯಾಭಿಷೇಕ ಕೇ ಪಶ್ಚಾತ್ ಸ್ತುತಿ

ಜಯ ರಾಮ ರಮಾರಮನಮ ಶಮನಮ್ । ಭವ ತಾಪ ಭಯಾಕುಲ ಪಾಹಿ ಜನಮ್ ॥

ಅವಧೇಶ ಸುರೇಶ ರಮೇಶ ವಿಭೋ । ಶರಣಾಗತ ಮಾँಗತ ಪಾಹಿ ಪ್ರಭೋ ॥

ದಸಶೀಶ ವಿನ್ನಶನ ಬೀಸ ಭುಜಾ । ಕೃತ ದೂರಿ ಮಹಾ ಮಹಿ ಭೂರಿ ರುಜಾ ॥

ರಜನೀಚರ ಬೃಂದ ಪತ।ಗ ರಹೇ । ಸರ ಪಾವಕ ತೇಜ ಪ್ರಚಂಡ ದಹೇ॥

ಮಹಿ ಮಂದಲ ಮಂದನ ಚಾರುತರಮ್ । ಧೃತ ಸಾಯಕ ಚಾಪ ನಿಷಂಗ ಬರಮ್ ॥

ಮದ ಮೋಹ ಮಹಾ ಮಮತಾ ರಜನೀ । ತಮ ಪುಂಜ ದಿವಾಕರ ತೇಜ ಅನೀ ॥

ಮನಜಾತ ಕಿರಾತ ನಿಪಾತ ಕಿಯೇ । ಮೃಗ ಲೋಗ ಕುಭೋಗ ಸರೇನ ಹಿಯೇ ॥

ಹತಿ ನಾಥ ಅನಾಥನಿ ಪಾಹಿ ಹರೇ । ವಿಷಯಾ ಬನ ಪಾँವರ ಭೂಲಿ ಪರೇ ॥

ಬಹು ರೋಗ ಬಿಯೋಗಿನ್ಹಿ ಲೋಗ ಹಯೇ । ಭವದಂಘ್ರಿ ನಿರಾದರ ಕೇ ಫಲ ಏ ॥

ಭವ ಸಿಂಧು ಅಗಾಧ ಪರೇ ನರ ತೇ । ಪದ ಪಂಕಜ ಪ್ರೇಮ ನ ಜೇ ಕರತೇ ॥

ಅತಿ ದೀನ ಮಲೀನ ದುಖೀ ನಿತಹೀಂ । ಜಿನ್ಹ ಕೇಂ ಪದ ಪಂಕಜ ಪ್ರೀತ ನಹೀಂ ॥

ಅವಲಂಬ ಭವಂತ ಕಥಾ ಜಿನ್ಹ ಕೇಂ । ಪ್ರಿಯ ಸಂತ ಅನಂತ ಸದಾ ತಿನ್ಹ ಕೇಂ ॥

ನಹಿಂ ರಾಗ ನ ಲೋಭ ನ ಮಾನ ಮದಾ । ತಿನ್ಹ ಕೇಂ ಸಮ ಬೈಭವ ವಾ ಬಿಪದಾ ॥

ಏಹಿ ತೇ ತವ ಸೇವಕ ಹೋತ ಮುದಾ । ಮುನಿ ತ್ಯಾಗತ ಜೋಗ ಭರೋಸ ಸದಾ ॥

ಕರಿ ಪ್ರೇಮ ನಿರಂತರ ನೇಮ ಲಿಯೇಂ । ಪದ ಪಂಕಜ ಸೇವತ ಶುದ್ಧ ಹಿಯೇಂ ॥

ಸಮ ಮಾನಿ ನಿರಾದರ ಆದರಹೀ । ಸಬ ಸಂತ ಸುಖೀ ಬಿಚರಂತಿ ಮಹೀ ॥

ಮುನಿ ಮಾನಸ ಪಂಕಜ ಭೃಂಗ ಭಜೇ । ರಘುವೀರ ಮಹಾ ರನಧೀರ ಅಜೇ ॥

ತವ ನಾಮ ಜಪಾಮಿ ನಮಾಮಿ ಹರೀ । ಭವ ರೋಗ ಮಹಾಗದ ಮಾನ ಅರೀ ॥

ಗುನ ಸೀಲ ಕೃಪಾ ಪರಮಾಯತನಮ್ । ಪ್ರನಮಾಮಿ ನಿರಂತರ ಶ್ರೀರಮನಮ್ ॥

ರಘುನಂದ ನಿಕಂದಯ ದ್ವಂದ್ವ ಘನಮ್ । ಮಹಿಪಾಲ ಬಿಲೋಕಯ ದೀನ ಜನಮ್ ॥

        ಬಾರ ಬಾರ ಬರ ಮಾಗಉಂ ಹರಷಿ ದೇಹು ಶ್ರೀರಂಗ ।
        ಪದ ಸರೋಜ ಅನಪಾಯನೀ ಭಗತಿ ಸದಾ ಸತಸಂಗ ॥
**************


राम स्तुति 
गोस्वामी तुलसीदास विरचित श्रीरामचरितमानस 

                        बालकाण्ड 
                        राम जन्म

भये प्रगट कृपाला दीनदयाला कौसल्या हितकारी ।
हरषित महतारी मुनि मन हारी अद्भुत रूप बिचारी ॥

लोचन अभिरामा तनु घनस्यामा निज आयुध भुज चारी ।
भूषन वनमाला नयन बिसाला सोभासिन्धु खरारी ॥

कह दुइ कर जोरी अस्तुति तोरी केहि बिधि करौं अनंता ।
माया गुअन ग्यानातीत अमाना वेद पुरान भनंता ॥

करुना सुख सागर सब गुन आगर जेहि गावहिं श्रुति संता ।
सो मम हित लागी जन अनुरागी भयउ प्रकट श्रीकंता ॥

ब्रह्मांड निकाया निर्मित माया रोम रोम प्रति बेद कहै ।
मम उर सो बासी यह उपहासी सुनत धीर मति थिर न रहै ॥

उपजा जब ग्याना प्रभु मुसुकाना चरित बहुत बिधि कीन्ह चहै ।
कहि कथा सुहाई मातु बुझाई जेहि प्रकार सुत प्रेम लहै ॥

माता पुनि बोली सो मति डोली तजहु तात यह रूपा ।
कीजे सिसुलीला अति प्रियसीला यह सुख परम अनूपा ॥

सुनि बचन सुजाना रोदन ठाना होइ बालक सुरभूपा ।
यह चरित जे गावहि हरिपद पावहि ते न परहिं भवकूपा ॥

     बिप्र धेनु सुर संत हित लीन्ह मनुज अवतार ।
     निज इच्छा निर्मित तनु माया गुन गो पार ॥

                        अरण्यकाण्ड 
                  अत्रि मुनि द्वारा स्तुति

नमामि भक्त वत्सलम् । कृपालु शील कोमलम् ॥

भजामि ते पदांबुजम् । अकामिनाम् स्वधामदम् ॥

निकाम् श्याम् सुंदरम् । भवाम्बुनाथ मंदरम् ॥

प्रफुल्ल कंज लोचनम् । मदादि दोष मोचनम् ॥

प्रलंब बाहु विक्रमम् । प्रभोऽप्रमेय वैभवम् ॥

निषंग चाप सायकम् । धरम् त्रिलोक नायकम् ॥

दिनेश वंश मंदनम् । महेश चाप खंदनम् ॥

मुनींद्र संत रंजनम् । सुरारि वृन्द भंजनम् ॥

मनोज वैरि वंदितम् । अजादि देव सेवितम् ॥

विशुद्ध बोध विग्रहम् । समस्त दूषणापहम् ॥

नमामि इंदिरा पतिम् । सुखाकरम् सताम् गतिम् ॥

भजे सशक्ति सानुजम् । शची पति प्रियानुजम् ॥

त्वदंघ्रि मूल ये नराह । भजंति हीन मत्सराह ॥

पतंति नो भवार्णवे । वितर्क वीचि संकुले ॥

विविक्त वासिनह सदा । भजंति मुक्तये मुदा ॥

निरस्य इंद्रियादिकम् । प्रयांति ते गतिम् स्वकम् ॥

तमेकमद्भुतम् प्रभुम् । निरीहमीश्वरम् विभुम् ॥

जगद्गुरुम् च शाश्वतम् । तुरीयमेव केवलम् ॥

भजामि भाव वल्लभम् । कुयोगिनाम् सुदुर्लभम् ॥

स्वभक्त कल्प पादपम् । समम् सुसेव्यमन्वहम् ॥

अनूप रूप भूपतिम् । नतोऽहमुर्विजा पतिम् ॥

प्रसीद मे नमामि ते । पदाब्ज भक्ति देहि मे ॥

पठंति ये स्तवम् इदम् । नरादरेण ते पदम् ॥

व्रजंति नात्र संशयम् । त्वदीय भक्ति संयुताह ॥

                        अरण्यकाण्ड 
                  मुनि सुतीक्ष्ष्ण द्वारा स्तुति

कह मुनि प्रभु सुन बिनती मोरी । अस्तुति करौं कवन बिधि तोरी ॥

महिमा अमित मोरि मति थोरी । रबि सन्मुख खद्योत अँजोरी ॥

श्याम तामरस दाम शरीरम् । जटा मुकुट परिधन मुनिचीरम् ॥

पाणि चाप शर कति तुणीरम् । नौमि निरंतर श्री रघुवीरम् ॥

मोह विपिन घन दहन कृशानुह । संत सरोरुह कानन भानुह ॥

निशिचर करि बरूथ मृगराजह ॥ त्रातु सदा नो भव खग बाजह ॥

अरुण नयन रजीव सुवेशम् । सिता नयन चकोर निशेशम् ।
हर हृदि मानस बाल मरालम् । नौमि राम उर बाहु विशालम् ॥

संसय सर्प ग्रसन उरगादह । शमन सुकर्कश तर्क विषदह ॥

भव भंजन रंजन सुर यूथह । त्रातु नाथ नो क्ऱ्६इपा वरूथह ॥

निर्गुण सगुण विषम सम रूपम् । ग़्यान गिरा गोतीतमनूपम् ॥

अमलम अखिलम अनवद्यम अपारम् । नौमि राम भंजन महि भारम् ॥

भक्त कल्प पादप आरामह । तर्जन क्रोध लोभ मद कामह ॥

अति नागर भव सागर सेतुह । त्रातु सदा दिनकर कुल केतुह ॥

अतुलित भुज प्रताप बल धामह । कलि मल विपुल विभंजन नामह ॥

धर्म वर्म नर्मद गुण ग्रामह । संतत शम तनोतु मम रामह ॥

जदपि बिरज ब्यापक अबिनासी । सब के हृदयं निर्ंतर बासी ॥

तदपि अनुज श्री सहित खरारी । बसतु मनसि सम काननचारी ॥

जे जानहिं ते जानहुं स्वामी । सगुन अगुन उर अंतरजामी ॥

जो कोसलपति राजिव नयना । करौ सो राम हृदय मम अयना ॥

अस अभिमान जाइ जनि भोरे । मैं सेवक रघुपति पति मोरे।

                        उत्तरकाण्ड
         श्रीराम के राज्याभिषेक के पश्चात् स्तुति

जय राम रमारमनम शमनम् । भव ताप भयाकुल पाहि जनम् ॥

अवधेश सुरेश रमेश विभो । शरणागत माँगत पाहि प्रभो ॥

दसशीश विन्नशन बीस भुजा । कृत दूरि महा महि भूरि रुजा ॥

रजनीचर बृंद पत।ग रहे । सर पावक तेज प्रचंड दहे॥

महि मंदल मंदन चारुतरम् । धृत सायक चाप निषंग बरम् ॥

मद मोह महा ममता रजनी । तम पुंज दिवाकर तेज अनी ॥

मनजात किरात निपात किये । मृग लोग कुभोग सरेन हिये ॥

हति नाथ अनाथनि पाहि हरे । विषया बन पाँवर भूलि परे ॥

बहु रोग बियोगिन्हि लोग हये । भवदंघ्रि निरादर के फल ए ॥

भव सिंधु अगाध परे नर ते । पद पंकज प्रेम न जे करते ॥

अति दीन मलीन दुखी नितहीं । जिन्ह कें पद पंकज प्रीत नहीं ॥

अवलंब भवंत कथा जिन्ह कें । प्रिय संत अनंत सदा तिन्ह कें ॥

नहिं राग न लोभ न मान मदा । तिन्ह कें सम बैभव वा बिपदा ॥

एहि ते तव सेवक होत मुदा । मुनि त्यागत जोग भरोस सदा ॥

करि प्रेम निरंतर नेम लियें । पद पंकज सेवत शुद्ध हियें ॥

सम मानि निरादर आदरही । सब संत सुखी बिचरंति मही ॥

मुनि मानस पंकज भृंग भजे । रघुवीर महा रनधीर अजे ॥

तव नाम जपामि नमामि हरी । भव रोग महागद मान अरी ॥

गुन सील कृपा परमायतनम् । प्रनमामि निरंतर श्रीरमनम् ॥

रघुनंद निकंदय द्वंद्व घनम् । महिपाल बिलोकय दीन जनम् ॥

        बार बार बर मागउं हरषि देहु श्रीरंग ।

        पद सरोज अनपायनी भगति सदा सतसंग ॥
**********