ಶಿವಾಷ್ಟಕಮ್ 5 शिवाष्टकम् ५ shivashtakam 5

Shri Shivashtakam 5
 ಶ್ರೀ ಶಿವಾಷ್ಟಕಮ್ 5 
ಪುರಾರಿಃ ಕಾಮರಿರ್ನೇಖಿಲಭಯಹಾರೀ ಪಶುಪತಿ-
ರ್ಮಹೇಶೋ ಭೂತೇಶೋ ನಗಪತಿಸುತೇಶೋ ನಟಪತಿಃ ।
ಕಪಾಲೀ ಯಜ್ಞಾಲೀ ವಿಬುಧದಲಪಾಲೀ ಸುರಪತಿಃ
ಸುರಾರಾಧ್ಯಃ ಶರ್ವೋ ಹರತು ಭವಭೀತಿಂ ಭವಪತಿಃ ॥ 1॥

ಶಯೇ ಶೂಲಂ ಭೀಮಂ ದಿತಿಜಭಯದಂ ಶತ್ರುದಲನಂ
ಗಲೇ ಮೌಂಡೀಮಾಲಾಂ ಶಿರಸಿ ಚ ದಧಾನಃ ಶಶಿಕಲಾಮ್ ।
ಜಟಾಜೂಟೇ ಗಂಗಾಮಘನಿವಹಭಙ್ರಾಂ ಸುರನದೀಂ
ಸುರಾರಾಧ್ಯಃ ಶರ್ವೋ ಹರತು ಭವಭೀತಿಂ ಭವಪತಿಃ ॥ 2॥

ಭವೋ ಭರ್ಗೋ ಭೀಮೋ ಭವಭಯಹರೋ ಭಾಲನಯನೋ
ವದಾನ್ಯಃ ಸಮ್ಮಾನ್ಯೋ ನಿಖಿಲಜನಸೌಜನ್ಯನಿಲಯಃ ।
ಶರಣ್ಯೋ ಬ್ರಹ್ಮಣ್ಯೋ ವಿಬುಧಗಣಗಣ್ಯೋ ಗುಣನಿಧಿಃ
ಸುರಾರಾಧ್ಯಃ ಶರ್ವೋ ಹರತು ಭವಭೀತಿಂ ಭವಪತಿಃ ॥ 3॥

ತ್ವಮೇವೇದಂ ವಿಶ್ವಂ ಸೃಜಸಿ ಸಕಲಂ ಬ್ರಹ್ಮವಪುಷಾ
ತಥಾ ಲೋಕಾನ್ ಸರ್ವಾನವಸಿ ಹರಿರೂಪೇಣ ನಿಯತಮ್ ।
ಲಯಂ ಲೀಲಾಧಾಮ ತ್ರಿಪುರಹರರೂಪೇಣ ಕುರುಷೇ
ತ್ವದನ್ಯೋ ನೋ ಕಶ್ಚಿಜ್ಜಗತಿ ಸಕಲೇಶೋ ವಿಜಯತೇ ॥ 4॥

ಯಥಾ ರಜ್ಜೌ ಭಾನಂ ಭವತಿ ಭುಜಗಸ್ಯಾನ್ಧಕರಿಪೋ
ತಥಾ ಮಿಥ್ಯಾಜ್ಞಾನಂ ಸಕಲವಿಷಯಾಣಾಮಿಹ ಭವೇ ।
ತ್ವಮೇಕಶ್ಚಿತ್ಸರ್ಗಸ್ಥಿತಿಲಯವಿತಾನಂ ವಿತನುಷೇ
ಭವೇನ್ಮಾಯಾ ತತ್ರ ಪ್ರಕೃತಿಪದವಾಚ್ಯಾ ಸಹಚರೀ ॥ 5॥

ಪ್ರಭೋ ಸಾಽನಿರ್ವಾಚ್ಯಾ ಚಿತಿವಿರಹಿತಾ ವಿಭ್ರಮಕರೀ
ತವಚ್ಛಾಯಾಪತ್ತ್ಯಾ ಸಕಲಘಟನಾಮಂಚತಿ ಸದಾ ।
ರಥೋ ಯನ್ತುರ್ಯೋಗಾದ್ ವ್ರಜತಿ ಪದವೀಂ ನಿರ್ಭಯತಯಾ
ತಥೈವಾಸೌ ಕತ್ರೀ ತ್ವಮಸಿ ಶಿವ ಸಾಕ್ಷೀ ತ್ರಿಜಗತಾಮ್ ॥ 6॥

ನಮಾಮಿ ತ್ವಾಮೀಶಂ ಸಕಲಸುಖದಾತಾರಮಜರಂ
ಪರೇಶಂ ಗೌರೀಶಂ ಗಣಪತಿಸುತಂ ವೇದವಿದಿತಮ್ ।
ವರೇಣ್ಯಂ ಸರ್ವಜ್ಞಂ ಭುಜಗವಲಯಂ ವಿಷ್ಣುದಯಿತಂ
ಗಣಾಧ್ಯಕ್ಷಂ ದಕ್ಷಂ ಪ್ರಣತಜನತಾಪಾರ್ತಿಹರಣಮ್ ॥ 7॥

ಗುಣಾತೀತಂ ಶಮ್ಭುಂ ಬುಧಗಣಮುಖೋದ್ಗೀತಯಶಸಂ
ವಿರೂಪಾಕ್ಷಂ ದೇವಂ ಧನಪತಿಸಖಂ ವೇದವಿನುತಮ್ ।
ವಿಭುಂ ನತ್ವಾ ಯಾಚೇ ಭವತು ಭವತಃ ಶ್ರೀಚರಣಯೋ-
ರ್ವಿಶುದ್ಧಾ ಸದ್ಭಕ್ತಿಃ ಪರಮಪುರುಷಸ್ಯಾದಿವಿದುಷಃ ॥ 8॥

ಶಂಕರೇ ಯೋ ಮನಃ ಕೃತ್ವಾ ಪಠೇಚ್ಛ್ರೀಶಂಕರಾಷ್ಟಕಮ್ ।
ಪ್ರೀತಸ್ತಸ್ಮೈ ಮಹಾದೇವೋ ದದಾತಿ ಸಕಲೇಪ್ಸಿತಮ್ ॥ 9॥

॥ ಇತಿ ಶ್ರೀಶಿವಾಷ್ಟಕಂ ಸಮ್ಪೂರ್ಣಮ್ ॥
**********

श्री शिवाष्टकम् ५ 
पुरारिः कामरिर्नेखिलभयहारी पशुपति-
र्महेशो भूतेशो नगपतिसुतेशो नटपतिः ।
कपाली यज्ञाली विबुधदलपाली सुरपतिः
सुराराध्यः शर्वो हरतु भवभीतिं भवपतिः ॥ १॥

शये शूलं भीमं दितिजभयदं शत्रुदलनं
गले मौण्डीमालां शिरसि च दधानः शशिकलाम् ।
जटाजूटे गङ्गामघनिवहभङ्रां सुरनदीं
सुराराध्यः शर्वो हरतु भवभीतिं भवपतिः ॥ २॥

भवो भर्गो भीमो भवभयहरो भालनयनो
वदान्यः सम्मान्यो निखिलजनसौजन्यनिलयः ।
शरण्यो ब्रह्मण्यो विबुधगणगण्यो गुणनिधिः
सुराराध्यः शर्वो हरतु भवभीतिं भवपतिः ॥ ३॥

त्वमेवेदं विश्वं सृजसि सकलं ब्रह्मवपुषा
तथा लोकान् सर्वानवसि हरिरूपेण नियतम् ।
लयं लीलाधाम त्रिपुरहररूपेण कुरुषे
त्वदन्यो नो कश्चिज्जगति सकलेशो विजयते ॥ ४॥

यथा रज्जौ भानं भवति भुजगस्यान्धकरिपो
तथा मिथ्याज्ञानं सकलविषयाणामिह भवे ।
त्वमेकश्चित्सर्गस्थितिलयवितानं वितनुषे
भवेन्माया तत्र प्रकृतिपदवाच्या सहचरी ॥ ५॥

प्रभो साऽनिर्वाच्या चितिविरहिता विभ्रमकरी
तवच्छायापत्त्या सकलघटनामञ्चति सदा ।
रथो यन्तुर्योगाद् व्रजति पदवीं निर्भयतया
तथैवासौ कत्री त्वमसि शिव साक्षी त्रिजगताम् ॥ ६॥

नमामि त्वामीशं सकलसुखदातारमजरं
परेशं गौरीशं गणपतिसुतं वेदविदितम् ।
वरेण्यं सर्वज्ञं भुजगवलयं विष्णुदयितं
गणाध्यक्षं दक्षं प्रणतजनतापार्तिहरणम् ॥ ७॥

गुणातीतं शम्भुं बुधगणमुखोद्गीतयशसं
विरूपाक्षं देवं धनपतिसखं वेदविनुतम् ।
विभुं नत्वा याचे भवतु भवतः श्रीचरणयो-
र्विशुद्धा सद्भक्तिः परमपुरुषस्यादिविदुषः ॥ ८॥

शङ्करे यो मनः कृत्वा पठेच्छ्रीशङ्कराष्टकम् ।
प्रीतस्तस्मै महादेवो ददाति सकलेप्सितम् ॥ ९॥


॥ इति श्रीशिवाष्टकं सम्पूर्णम् ॥
**********