ಶ್ರೀ ಮೀನಾಕ್ಷೀ ಸ್ತೋತ್ರಮ್ 2 meenakshi sotram श्री मीनाक्षीस्तोत्रम् २

Shri Minakshi Stotram 2
 ಶ್ರೀಮೀನಾಕ್ಷೀಸ್ತೋತ್ರಮ್ 2 
ಗೌರೀಂ ಕಾಂಚನಪದ್ಮಿನೀತಟಗೃಹಾಂ ಶ್ರೀಸುನ್ದರೇಶಪ್ರಿಯಾಂ
     ನೀಪಾರಣ್ಯಸುವರ್ಣಕನ್ದುಕಪರಿಕ್ರೀಡಾವಿಲೋಲಾಮಿಮಾಮ್ ।
ಶ್ರೀಮತ್ಪಾಂಡ್ಯಕುಲಾಚಲಾಗ್ರವಿಲಸದ್ರತ್ನಪ್ರದೀಪಾಯಿತಾಂ
     ಮೀನಾಕ್ಷೀಂ ಮಧುರೇಶ್ವರೀಂ ಶುಕಧರಾಂ ಶ್ರೀಪಾಂಡ್ಯಬಾಲಾಂ ಭಜೇ ॥ 1॥

ಗೌರೀಂ ವೇದಕದಮ್ಬಕಾನನಶುಕೀಂ ಶಾಸ್ತ್ರಾಟವೀಕೇಕಿನೀಂ
     ವೇದಾನ್ತಾಖಿಲಧರ್ಮಹೇಮನಲಿನೀಹಂಸೀಂ ಶಿವಾಂ ಶಾಮ್ಭವೀಮ್ ।
ಓಂಕಾರಮ್ಬುಜನೀಲಮತ್ತಮಧುಪಾಂ ಮನ್ತ್ರಾಮ್ರಶಾಖಾಮ್ಬಿಕಾಂ
     ಮೀನಾಕ್ಷೀಂ ಮಧುರೇಶ್ವರೀಂ ಶುಕಧರಾಂ ಶ್ರೀಪಾಂಡ್ಯಬಾಲಾಂ ಭಜೇ ॥ 2॥

ಗೌರೀಂ ನೂಪುರಶೋಭಿತಾಂಘ್ರಿಕಮಲಾಂ ತೂಣೋಲ್ಲಸಜ್ಜಂಘಿಕಾಂ
     ರತ್ನಾದರ್ಶಸಮಾನಜಾನುಯುಗಲಾಂ ರಮ್ಭಾನಿಭೋರೂದ್ವಯಾಮ್ ।
ಕಾಂಚೀಬದ್ಧಮನೋಜ್ಞಪೀನಜಘನಾಮಾವರ್ತನಾಭೀಹೃದಾಂ
     ಮೀನಾಕ್ಷೀಂ ಮಧುರೇಶ್ವರೀಂ ಶುಕಧರಾಂ ಶ್ರೀಪಾಂಡ್ಯಬಾಲಾಂ ಭಜೇ ॥ 3॥

ಗೌರೀಂ ವ್ಯೋಮಸಮಾನಮಧ್ಯಮಯುತಾಮುತ್ತುಂಗವಕ್ಷೋರುಹಾಂ
     ವೀಣಾಮಂಜುಲಶಾರೀಕಾನ್ವಿತಕರಾಂ ಶಂಖಾಭಕಂಠೋಜ್ಜ್ವಲಾಮ್ ।
ರಾಕಾಚನ್ದ್ರಸಮಾನಚಾರುವದನಾಂ ರೋಲಮ್ವನೀಲಾಲಕಾಂ
     ಮೀನಾಕ್ಷೀಂ ಮಧುರೇಶ್ವರೀಂ ಶುಕಧರಾಂ ಶ್ರೀಪಾಂಡ್ಯಬಾಲಾಂ ಭಜೇ ॥ 4॥

ಗೌರೀಂ ಮಂಜುಲಮೀನನೇತ್ರಯುಗಲಾಂ ಕೋದಂಡಸುಭ್ರೂಲತಾಂ
     ಬಿಮ್ಬೋಷ್ಠೀಂ ಸ್ಮಿತಕುನ್ದದನ್ತರುಚಿರಾಂ ಚಾಮ್ಪೇಯನಾಸೋಜ್ಜ್ವಲಾಮ್ ।
ಅರ್ಧೇನ್ದುಪ್ರತಿಬಿಮ್ಬಫಾಲರುಚಿರಾಮಾದರ್ಶಗಂಡಸ್ಥಲಾಂ
     ಮೀನಾಕ್ಷೀಂ ಮಧುರೇಶ್ವರೀಂ ಶುಕಧರಾಂ ಶ್ರೀಪಾಂಡ್ಯಬಾಲಾಂ ಭಜೇ ॥ 5॥

ಗೌರೀಂ ಕುಂಕುಮಪಂಕಲೇಪಿತಲಸದ್ವಕ್ಷೋಜಕುಮ್ಭೋಜ್ಜ್ವಲಾಂ
     ಕಸ್ತೂರೀತಿಲಕಾಲಕಾಂ ಮಲಯಜಾಂ ಗನ್ಧೋಲಸತ್ಕನ್ಧರಾಮ್ ।
ಲಾಕ್ಷಾಕರ್ದಮಶೋಭಿಪಾದಯುಗಲಾಂ ಸಿನ್ದೂರಸೀಮನ್ತಿನೀಂ
     ಮೀನಾಕ್ಷೀಂ ಮಧುರೇಶ್ವರೀಂ ಶುಕಧರಾಂ ಶ್ರೀಪಾಂಡ್ಯಬಾಲಾಂ ಭಜೇ ॥ 6॥

ಗೌರೀಂ ಚಮ್ಪಕಮಲ್ಲಿಕಾಸುಕುಸುಮೈಃ ಪುನ್ನಾಗಸೌಗನ್ಧಿಕಾ-
     ದ್ರೋಣೇನ್ದೀವರಕುನ್ದಜಾತಿವಕುಲೈರಾಬದ್ಧಚೂಲೀಯುತಾಮ್ ।
ಮನ್ದಾರಾರುಣಪದ್ಮಕೇತಕದಲಶ್ರೇಣೀಲಸದ್ವೇಣಿಕಾಂ
     ಮೀನಾಕ್ಷೀಂ ಮಧುರೇಶ್ವರೀಂ ಶುಕಧರಾಂ ಶ್ರೀಪಾಂಡ್ಯಬಾಲಾಂ ಭಜೇ ॥ 5॥

॥ ಇತಿ ಶ್ರೀಮೀನಾಕ್ಷೀಸ್ತೋತ್ರಂ ಸಮ್ಪೂರ್ಣಮ್ ॥
********

श्रीमीनाक्षीस्तोत्रम् २ 
गौरीं काञ्चनपद्मिनीतटगृहां श्रीसुन्दरेशप्रियां
     नीपारण्यसुवर्णकन्दुकपरिक्रीडाविलोलामिमाम् ।
श्रीमत्पाण्ड्यकुलाचलाग्रविलसद्रत्नप्रदीपायितां
     मीनाक्षीं मधुरेश्वरीं शुकधरां श्रीपाण्ड्यबालां भजे ॥ १॥

गौरीं वेदकदम्बकाननशुकीं शास्त्राटवीकेकिनीं
     वेदान्ताखिलधर्महेमनलिनीहंसीं शिवां शाम्भवीम् ।
ओङ्कारम्बुजनीलमत्तमधुपां मन्त्राम्रशाखाम्बिकां
     मीनाक्षीं मधुरेश्वरीं शुकधरां श्रीपाण्ड्यबालां भजे ॥ २॥

गौरीं नूपुरशोभिताङ्घ्रिकमलां तूणोल्लसज्जङ्घिकां
     रत्नादर्शसमानजानुयुगलां रम्भानिभोरूद्वयाम् ।
काञ्चीबद्धमनोज्ञपीनजघनामावर्तनाभीहृदां
     मीनाक्षीं मधुरेश्वरीं शुकधरां श्रीपाण्ड्यबालां भजे ॥ ३॥

गौरीं व्योमसमानमध्यमयुतामुत्तुङ्गवक्षोरुहां
     वीणामञ्जुलशारीकान्वितकरां शङ्खाभकण्ठोज्ज्वलाम् ।
राकाचन्द्रसमानचारुवदनां रोलम्वनीलालकां
     मीनाक्षीं मधुरेश्वरीं शुकधरां श्रीपाण्ड्यबालां भजे ॥ ४॥

गौरीं मञ्जुलमीननेत्रयुगलां कोदण्डसुभ्रूलतां
     बिम्बोष्ठीं स्मितकुन्ददन्तरुचिरां चाम्पेयनासोज्ज्वलाम् ।
अर्धेन्दुप्रतिबिम्बफालरुचिरामादर्शगण्डस्थलां
     मीनाक्षीं मधुरेश्वरीं शुकधरां श्रीपाण्ड्यबालां भजे ॥ ५॥

गौरीं कुङ्कुमपङ्कलेपितलसद्वक्षोजकुम्भोज्ज्वलां
     कस्तूरीतिलकालकां मलयजां गन्धोलसत्कन्धराम् ।
लाक्षाकर्दमशोभिपादयुगलां सिन्दूरसीमन्तिनीं
     मीनाक्षीं मधुरेश्वरीं शुकधरां श्रीपाण्ड्यबालां भजे ॥ ६॥

गौरीं चम्पकमल्लिकासुकुसुमैः पुन्नागसौगन्धिका-
     द्रोणेन्दीवरकुन्दजातिवकुलैराबद्धचूलीयुताम् ।
मन्दारारुणपद्मकेतकदलश्रेणीलसद्वेणिकां
     मीनाक्षीं मधुरेश्वरीं शुकधरां श्रीपाण्ड्यबालां भजे ॥ ५॥

॥ इति श्रीमीनाक्षीस्तोत्रं सम्पूर्णम् ॥
*********