ಮಾತೃ ಪಂಚಕಮ್ 2 मातृ पञ्चकम् २ matru panchakam

Shri Matru panchakam  ಶ್ರೀ ಮಾತೃ ಪಂಚಕಮ್ 2 

     ಶ್ರೀಮಾತೃದೇವತಾಚರಣೇಭ್ಯೋ ನಮಃ ।
ಅಹೋ ಮಾತರ್ನಿತ್ಯಂ ತವ ತು ಮಹಿಮಾ ವೇದಕಥಿತಃ
     ಪುರಾಣಾದೌ ಸಿದ್ಧಃ ಖಲು ಜಗತಿ ಜಾಗರ್ತಿ ಪರಮೇ ।
ಅತೋ ವೈ ಮಚ್ಚಿತ್ತೇ ದೃಢಮಿತಿ ಪರಂ ಜಾತಮನಿಶಂ
     ಕುಪುತ್ರೋ ಜಾಯೇತ ಕ್ವಚಿದಪಿ ಕುಮಾತಾ ನ ಭವತಿ ॥ 1॥

ಅಹಂ ದೀನಃ ಪುತ್ರಸ್ತವಚರಣಸೇವಾವಿರಹಿತಃ
     ಪರಂ ತ್ವದ್ದ್ರವ್ಯಾಣಾಮಪಹರಣಕರ್ತಾ ಶಠಮತಿಃ ।
ತಥಾಽಽಪ್ಯಾಽಽರ್ಯೇ ಪಾಲ್ಯಸ್ತ್ವಿತಿ ಜನನಿ ಸಂವೀಕ್ಷ್ಯಪದವೀಂ
     ಕುಪುತ್ರೋ ಜಾಯೇತ ಕ್ವಚಿದಪಿ ಕುಮಾತಾ ನ ಭವತಿ ॥ 2॥

ಇದಾನೀಂ ಪರ್ಯನ್ತಂ ಸ್ವಜನನಾಥಾರಭ್ಯ ಕುಧಿಯಾ
     ಸಮಾಸ್ಲಿಷ್ಟೇನಾಹೋ ಜನನಿ ನು ನ ಬುದ್ಧಂ ತವಮಹಃ ।
ತಥಾಽಪ್ಯಮ್ಬಪ್ರೇಮ್ಣಾ ಮಮ ಹಿತವಿಧಿಂ ಚೇಚ್ಛಸಿ ಯತಃ
     ಕುಪುತ್ರೋ ಜಾಯೇತ ಕ್ವಚಿದಪಿ ಕುಮಾತಾ ನ ಭವತಿ ॥ 3॥

ಮಯಾ ಗರ್ಭಾಽಽವಾಸಾತ್ ಕ್ವಚಿದಪಿ ಸಕೃನ್ನೈವ ಸುಖಿತಾ
     ಪರಂ ತ್ವಂ ಕ್ಲೇಶಾನಾಮಯಿ ಜನನಿಪಾತ್ರಂ ಬತಕೃತಾ ।
ತಥಾಪ್ಯೇಷಾ ಚಿತ್ತೇ ಮಮ ವಸತಿ ವಿಶ್ವಾಸಪದಯೀ
     ಕುಪುತ್ರೋ ಜಾಯೇತ ಕ್ವಚಿದಪಿ ಕುಮಾತಾ ನ ಭವತಿ ॥ 4॥

ಕದಾಚಿತ್ಸೇವಾ ತೇ ಜನನಿ ಖಲಚಿತ್ತೇನ ಹಿ ಮಯಾ
     ಕೃತಾ ನೋ ಸದ್ವಾಕ್ಯೈರಪಿ ಕಿಮುತ ಶಾಸ್ತ್ರೀಯ ವಿಧಿನಾ ।
ತಥಾಪ್ಯಾರ್ಯೇ ಮಾತಃ ಕ್ವಚಿದಪಿ ನ ರುಷ್ಟಾ ಮಯಿ ಯತಃ
     ಕುಪುತ್ರೋ ಜಾಯೇತ ಕ್ವಚಿದಪಿ ಕುಮಾತಾ ನ ಭವತಿ ॥ 5॥

ಶ್ರೀಮಾತೃಪಂಚಕಮಿದಂ ರಚಿತಂ ಸುಪದ್ಯೈ-
     ರ್ದುರ್ಗಾಽಭಿಧೇನ ಕವಿ-ನನ್ದಕಿಶೋರಜೇನ ।
ಯೋ ಮಾತೃಪೂಜನಮನುಪ್ರಪಠೇತ್ಸುಪುತ್ರ-
     ಸ್ತಸ್ಯಾಶು ತುಷ್ಯತಿ ಹರಿಃ ಸಕಲಾರ್ತಿಹನ್ತಾ ॥ 6॥

ಇತಿ ಶ್ರೀಮಾತೃಪಂಚಕಂ ಸಮ್ಪೂರ್ಣಮ್ ॥
**********

श्री मातृ पञ्चकम् २ 
     श्रीमातृदेवताचरणेभ्यो नमः ।
अहो मातर्नित्यं तव तु महिमा वेदकथितः
     पुराणादौ सिद्धः खलु जगति जागर्ति परमे ।
अतो वै मच्चित्ते दृढमिति परं जातमनिशं
     कुपुत्रो जायेत क्वचिदपि कुमाता न भवति ॥ १॥

अहं दीनः पुत्रस्तवचरणसेवाविरहितः
     परं त्वद्द्रव्याणामपहरणकर्ता शठमतिः ।
तथाऽऽप्याऽऽर्ये पाल्यस्त्विति जननि संवीक्ष्यपदवीं
     कुपुत्रो जायेत क्वचिदपि कुमाता न भवति ॥ २॥

इदानीं पर्यन्तं स्वजननाथारभ्य कुधिया
     समास्लिष्टेनाहो जननि नु न बुद्धं तवमहः ।
तथाऽप्यम्बप्रेम्णा मम हितविधिं चेच्छसि यतः
     कुपुत्रो जायेत क्वचिदपि कुमाता न भवति ॥ ३॥

मया गर्भाऽऽवासात् क्वचिदपि सकृन्नैव सुखिता
     परं त्वं क्लेशानामयि जननिपात्रं बतकृता ।
तथाप्येषा चित्ते मम वसति विश्वासपदयी
     कुपुत्रो जायेत क्वचिदपि कुमाता न भवति ॥ ४॥

कदाचित्सेवा ते जननि खलचित्तेन हि मया
     कृता नो सद्वाक्यैरपि किमुत शास्त्रीय विधिना ।
तथाप्यार्ये मातः क्वचिदपि न रुष्टा मयि यतः
     कुपुत्रो जायेत क्वचिदपि कुमाता न भवति ॥ ५॥

श्रीमातृपञ्चकमिदं रचितं सुपद्यै-
     र्दुर्गाऽभिधेन कवि-नन्दकिशोरजेन ।
यो मातृपूजनमनुप्रपठेत्सुपुत्र-
     स्तस्याशु तुष्यति हरिः सकलार्तिहन्ता ॥ ६॥

इति श्रीमातृपञ्चकं सम्पूर्णम् ॥
********