ಅನ್ನಪೂರ್ಣಾ ಸ್ತೋತ್ರಂ or ಅಷ್ಟಕಮ್ ಆದಿ ಶಂಕರಾಚಾರ್ಯ ಕೃತಂ अन्नपूर्णा स्तोत्रं ANNAPURNA STOTRAM OR ASHTAKAM BY ADI SHANKARACHARYA

ಶ್ರೀಅನ್ನಪೂರ್ಣಾಸ್ತೋತ್ರಮ್ ಅಪರನಾಮ ಅನ್ನಪೂರ್ಣಾಷ್ಟಕಮ್ ॥

ನಿತ್ಯಾನನ್ದಕರೀ ವರಾಭಯಕರೀ ಸೌನ್ದರ್ಯರತ್ನಾಕರೀ

ನಿರ್ಧೂತಾಖಿಲಘೋರಪಾವನಕರೀ ಪ್ರತ್ಯಕ್ಷಮಾಹೇಶ್ವರೀ ।  var  ಘೋರಪಾಪನಿಕರೀ

ಪ್ರಾಲೇಯಾಚಲವಂಶಪಾವನಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 1॥

ನಾನಾರತ್ನವಿಚಿತ್ರಭೂಷಣಕರೀ ಹೇಮಾಮ್ಬರಾಡಮ್ಬರೀ

ಮುಕ್ತಾಹಾರವಿಲಮ್ಬಮಾನ ವಿಲಸತ್ ವಕ್ಷೋಜಕುಮ್ಭಾನ್ತರೀ ।

ಕಾಶ್ಮೀರಾಗರುವಾಸಿತಾ ರುಚಿಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 2॥

ಯೋಗಾನನ್ದಕರೀ ರಿಪುಕ್ಷಯಕರೀ ಧರ್ಮಾರ್ಥನಿಷ್ಠಾಕರೀ

ಚನ್ದ್ರಾರ್ಕಾನಲಭಾಸಮಾನಲಹರೀ ತ್ರೈಲೋಕ್ಯರಕ್ಷಾಕರೀ ।

ಸರ್ವೈಶ್ವರ್ಯಸಮಸ್ತವಾಂಛಿತಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 3॥

ಕೈಲಾಸಾಚಲಕನ್ದರಾಲಯಕರೀ ಗೌರೀ ಉಮಾ ಶಂಕರೀ

ಕೌಮಾರೀ ನಿಗಮಾರ್ಥಗೋಚರಕರೀ ಓಂಕಾರಬೀಜಾಕ್ಷರೀ ।

ಮೋಕ್ಷದ್ವಾರಕಪಾಟಪಾಟನಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 4॥

ದೃಶ್ಯಾದೃಶ್ಯ ವಿಭೂತಿವಾಹನಕರೀ ಬ್ರಹ್ಮಾಂಡಭಾಂಡೋದರೀ

ಲೀಲಾನಾಟಕಸೂತ್ರಭೇದನಕರೀ ವಿಜ್ಞಾನದೀಪಾಂಕುರೀ ।

ಶ್ರೀವಿಶ್ವೇಶಮನಃ ಪ್ರಸಾದನಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 5॥

ಉರ್ವೀ ಸರ್ವಜನೇಶ್ವರೀ ಭಗವತೀ ಮಾತಾಽನ್ನಪೂರ್ಣೇಶ್ವರೀ

ವೇಣೀನೀಲಸಮಾನಕುನ್ತಲಧರೀ ನಿತ್ಯಾನ್ನದಾನೇಶ್ವರೀ ।

ಸರ್ವಾನನ್ದಕರೀ ಸದಾಶುಭಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 6॥

ಆದಿಕ್ಷಾನ್ತಸಮಸ್ತವರ್ಣನಕರೀ ಶಮ್ಭೋಸ್ತ್ರಿಭಾವಾಕರೀ

ಕಾಶ್ಮೀರಾ ತ್ರಿಜಲೇಶ್ವರೀ ತ್ರಿಲಹರೀ ನಿತ್ಯಾಂಕುರಾ ಶರ್ವರೀ ।

ಕಾಮಾಕಾಂಕ್ಷಕರೀ ಜನೋದಯಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 7॥

ದೇವೀ ಸರ್ವವಿಚಿತ್ರರತ್ನರಚಿತಾ ದಾಕ್ಷಾಯಣೀ ಸುನ್ದರೀ

ವಾಮೇ ಸ್ವಾದುಪಯೋಧರಾ ಪ್ರಿಯಕರೀ ಸೌಭಾಗ್ಯ ಮಾಹೇಶ್ವರೀ ।

ಭಕ್ತಾಭೀಷ್ಟಕರೀ ಸದಾಶುಭಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 8॥

ಚನ್ದ್ರಾರ್ಕಾನಲಕೋಟಿಕೋಟಿಸದೃಶಾ ಚನ್ದ್ರಾಂಶುಬಿಮ್ಬಾಧರೀ

ಚನ್ದ್ರಾರ್ಕಾಗ್ನಿಸಮಾನಕುಂಡಲಧರೀ ಚನ್ದ್ರಾರ್ಕವರ್ಣೇಶ್ವರೀ ।

ಮಾಲಾಪುಸ್ತಕಪಾಶಸಾಂಕುಶಧರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 9॥

ಕ್ಷತ್ರತ್ರಾಣಕರೀ ಮಹಾಽಭಯಕರೀ ಮಾತಾ ಕೃಪಾಸಾಗರೀ

ಸಾಕ್ಷಾನ್ಮೋಕ್ಷಕರೀ ಸದಾ ಶಿವಕರೀ ವಿಶ್ವೇಶ್ವರೀ ಶ್ರೀಧರೀ ।

ದಕ್ಷಾಕ್ರನ್ದಕರೀ ನಿರಾಮಯಕರೀ ಕಾಶೀಪುರಾಧೀಶ್ವರೀ

ಭಿಕ್ಷಾಂ ದೇಹಿ ಕೃಪಾವಲಮ್ಬನಕರೀ ಮಾತಾಽನ್ನಪೂರ್ಣೇಶ್ವರೀ ॥ 10॥

ಅನ್ನಪೂರ್ಣೇ ಸದಾಪೂರ್ಣೇ ಶಂಕರಪ್ರಾಣವಲ್ಲಭೇ ।

ಜ್ಞಾನವೈರಾಗ್ಯಸಿದ್ಧ್ಯರ್ಥಂ ಭಿಕ್ಷಾಂ ದೇಹಿ ಚ ಪಾರ್ವತಿ ॥ 11॥

ಮಾತಾ ಮೇ ಪಾರ್ವತೀ ದೇವೀ ಪಿತಾ ದೇವೋ ಮಹೇಶ್ವರಃ ।

ಬಾನ್ಧವಾಃ ಶಿವಭಕ್ತಾಶ್ಚ ಸ್ವದೇಶೋ ಭುವನತ್ರಯಮ್ ॥ 12॥

॥ ಇತಿ ಶ್ರೀಶಂಕರಭಗವತಃ ಕೃತೌ ಅನ್ನಪೂರ್ಣಾಸ್ತೋತ್ರಂ ಸಮ್ಪೂರ್ಣಮ್ ॥
********

नित्यानन्दकरी वराभयकरी सौन्दर्यरत्नाकरी
निर्धूताखिलघोरपावनकरी प्रत्यक्षमाहेश्वरी ।
प्रालेयाचलवंशपावनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥१॥

नानारत्नविचित्रभूषणकरी हेमाम्बराडम्बरी
मुक्ताहारविलम्बमानविलसद्वक्षोजकुम्भान्तरी ।
काश्मीरागरुवासिताङ्गरुचिरे काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥२॥


योगानन्दकरी रिपुक्षयकरी धर्मैकनिष्टाकरी   
चन्द्रार्कानलभासमानलहरी त्रैलोक्यरक्षाकरी ।
सर्वैश्वर्यकरि तपःफलकरी   काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥३॥


कैलासाचलकन्दरालयकरी गौरी उमा शङ्करी
कौमारी निगमार्थगोचरकरी ओङ्कारबीजाक्षरी ।
मोक्षद्वारपाटनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥४॥


दृश्यादृश्यविभूतिपावनकरी ब्रह्माण्डभाण्डोदरी
लीलानाटकसूत्रकेलनकरी विज्ञानदीपाङ्कुरी ।
श्रीविश्वेशमनःप्रसादनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥५॥


आदिक्षान्तसमस्तवर्णनिकरी शम्भोप्रियशङ्कारि 
काश्मीरात्रिपुरेश्वरी त्रिनयनि विश्वेश्वरि  शर्वरी ।
स्वर्गद्वारकवाठपाठनकरी   काशिपुरादेश्वरि 
भिक्षां देहि कृपावलम्बनकरी मातान्नपूर्णेश्वरी ॥६॥

उर्वीसर्वजनेश्वरी  जयकरी माताकृपासागरी  
नारीनीलसमानकुन्तलहरी नित्यान्नदानेश्वरी ।
सर्वानन्दकरी सदा शुभकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी॥॥

देवी सर्वविचित्ररत्नरुचिरा  दाक्षायणी सुन्दरी
वामा  स्वादुपयोधरप्रियकरी सौभाग्यमाहेश्वरी ।
भक्ताभीष्टकरी सदा शुभकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥८॥


चन्द्रार्कानलकोटिकोटिसदृशी  चन्द्रांशुबिम्बाधरी
चन्द्रार्काग्निसमानकुन्तलधरी चन्द्रार्कवर्णेश्वरी ।
मालापुस्तकपाशासाङ्कुशधरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥९॥


क्षत्रत्राणकरी महाऽभयकरी माता कृपासागरी
सर्वानन्दकरी  सदा शिवकरी विश्वेश्वरीश्रीधरी ।
दक्षाक्रन्दकरी निरामयकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥१०॥


अन्नपूर्णे सदापूर्णे शङ्करप्राणवल्लभे ।
ज्ञानवैराग्यसिद्ध्यर्थं भिक्षां देहि च पार्वति ॥११॥

 माता च पार्वती देवी पिता देवो महेश्वरः ।

बान्धवाः शिवभक्ताश्च स्वदेशो भुवनत्रयम् ॥१२॥
********

There are multiple variations of this popular stotra .

The more common version is given above.  Following three verses

are inserted after verse number 10 in some printed editions.

These are taken from annadA kalpa tantra ShoDaSha paTalam  

ಭಗವತಿ ಭವರೋಗಾತ್ಪೀಡಿತಂ ದುಷ್ಕೃತೋತ್ವಾತ್

ಸುತದುಹಿತೃಕಲತ್ರೋಪದ್ರವೇಣಾನುಯಾತಮ್ ।

ವಿಲಸದಮೃತದೃಷ್ಟ್ಯಾ ವೀಕ್ಷ್ಯ ವಿಭ್ರಾನ್ತಚಿತ್ತಂ

ಸಕಲಭುವನಮಾತಸ್ತ್ರಾಹಿ ಮಾಮೋ ನಮಸ್ತೇ ॥ 11॥

ಮಾಹೇಶ್ವರೀಮಾಶ್ರಿತಕಲ್ಪವಲ್ಲೀಮಹಮ್ಭವೋಚ್ಛೇದಕರೀ ಭವಾನೀಮ್ ।

ಕ್ಷುಧಾರ್ತಜಾಯಾತನಯಾದ್ಯುಪೇತಸ್ತ್ವಾಮನ್ನಪೂರ್ಣೇ ಶರಣಂ ಪ್ರಪದ್ಯೇ ॥ 12॥

ದಾರಿದ್ರ್ಯದಾವಾನಲದಹ್ಯಮಾನಂ ಪಾಹ್ಯನ್ನಪೂರ್ಣೇ ಗಿರಿರಾಜಕನ್ಯೇ ।

ಕೃಪಾಮ್ಬುಧೌ ಮಜ್ಜಯ ಮಾಂ ತ್ವದೀಯೇ ತ್ವತ್ಪಾದಪದ್ಮಾರ್ಪಿತಚಿತ್ತವೃತ್ತಿಮ್ ॥ 13॥

**********

ಅನ್ನಪೂರ್ಣಾಸ್ತೋತ್ರಮ್ 3 
ಮನ್ದಾರ-ಕಲ್ಪ-ಹರಿಚನ್ದನ-ಪಾರಿಜಾತ-
     ಮಧ್ಯೇ ಶಶಾಂಕ-ಮಣಿಮಂಡಿತ-ವೇದಿಸಂಸ್ಥೇ ।
ಅರ್ಧೇನ್ದು-ಮೌಲಿ-ಸುಲಲಾಟ-ಷಡರ್ಧನೇತ್ರೇ
     ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 1॥

ಕೇಯೂರ-ಹಾರ-ಕಟಾಂಗದ -ಕರ್ಣಪೂರೇ
     ಕಾಂಚೀ ಕಲಾಪ-ಮಣಿಕಾನ್ತ-ಲಸದ್ದುಕೂಲೇ ।
ದುಗ್ಧಾ-ಽನ್ನಪಾತ್ರ-ವರ-ಕಾಂಚನ-ದರ್ವಿಹಸ್ತೇ
     ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 2॥

ಆಲೀ-ಕದಮ್ಬ-ಪರಿಸೇವಿತ-ಪಾರ್ಶ್ವಭಾಗೇ
     ಶಕ್ರಾದಿಭಿ-ಮುಕುಲಿತಾಂಜಲಿಭಿಃ ಪುರಸ್ತಾತ್ ।
ದೇವಿ! ತ್ವದೀಯ-ಚರಣೌ ಶರಣಂ ಪ್ರಪದ್ಯೇ
     ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 3॥

ಗನ್ಧರ್ವ-ದೇವ-ಋಷಿನಾರದ-ಕೌಶಿಕಾಽತ್ರಿ
     ವ್ಯಾಸಾ-ಽಮ್ವರೀಷ -ಕಲಶೋದ್ಭವ -ಕಶ್ಯಪಾದ್ಯಾಃ ।
ಭಕ್ತ್ಯಾ ಸ್ತುವನ್ತಿ ನಿಗಮಾಽಽಗಮ-ಸೂಕ್ತಮನ್ತ್ರೈ-
     ರ್ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 4॥

ಲೀಲಾವಚಾಂಸಿ ತವ ದೇವಿ! ಋಗಾದಿವೇದಾಃ
     ಸೃಷ್ಟ್ಯಾದಿ-ಕರ್ಮರಚನಾ ಭವದೀಯ-ಚೇಷ್ಟಾ ।
ತ್ವತ್ತೇಜಸಾ ಜಗದಿದಂ ಪ್ರತಿಭಾತಿ ನಿತ್ಯಂ
     ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 5॥

ಶಬ್ದಾತ್ಮಿಕೇ ಶಶಿಕಲಾಭರಣಾರ್ಧದೇಹೇ
     ಶಮ್ಭೋರುರಸ್ಥಲ -ನಿಕೇತನ -ನಿತ್ಯವಾಸೇ ।
ದಾರಿದ್ರ್ಯದುಃಖ-ಭಯಹಾರಿಣಿ ಕಾ ತ್ವದನ್ಯಾ
     ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 6॥

ಸನ್ಧ್ಯಾತ್ರಯೇ ಸಕಲ-ಭೂಸುರ-ಸೇವ್ಯಮಾನೇ
     ಸ್ವಾಹಾ ಸ್ವಧಾಮಿ ಪಿತೃದೇವಗಣಾರ್ತಿಹನ್ತ್ರೀ ।
ಜಾಯಾಃ ಸುತಾಃ ಪರಿಜನಾತಿಥಯೋಽನ್ನಕಾಮಾಃ
     ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 7॥

ಸದ್ಭಕ್ತಕಲ್ಪಲತಿಕೇ ಭುವನೈಕವನ್ದ್ಯೇ
ಭೂತೇಶ -ಹೃತ್ಕಮಲಮಗ್ನ -ಕುಚಾಗ್ರಭೃಂಗೇ
ಕಾರುಣ್ಯಪೂರ್ಣನಯನೇ ಕಿಮುಪೇಕ್ಷಸೇ ಮಾಂ
ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 8॥

ಅಮ್ಬ! ತ್ವದೀಯ -ಚರಣಾಮ್ಬುಜಸಂಶ್ರಯೇಣ
     ವ್ರಹ್ಮಾದಯೋಽಪ್ಯವಿಕಲಾಂ ಶ್ರಿಯಮಾಶ್ರಯನ್ತೇ ।
ತಸ್ಮಾದಹಂ ತವ ನತೋಽಸ್ಮಿ ಪದಾರವಿನ್ದಂ
     ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 9॥

ಏಕಾಗ್ರಮೂಲನಿಲಯಸ್ಯ ಮಹೇಶ್ವರಸ್ಯ
     ಪ್ರಾಣೇಶ್ವರೀ ಪ್ರಣತ-ಭಕ್ತಜನಾಯ ಶೀಘ್ರಮ್ ।
ಕಾಮಾಕ್ಷಿ-ರಕ್ಷಿತ-ಜಗತ್-ತ್ರಿತಯೇಽನ್ನಪೂರ್ಣೇ!
     ಭಿಕ್ಷಾಂ ಪ್ರದೇಹಿ ಗಿರಿಜೇ! ಕ್ಷುಧಿತಾಯ ಮಹ್ಯಮ್ ॥ 10॥

ಭಕ್ತ್ಯಾ ಪಠನ್ತಿ ಗಿರಿಜಾ-ದಶಕಂ ಪ್ರಭಾತೇ
     ಮೋಕ್ಷಾರ್ಥಿನೋ ಬಹುಜನಾಃ ಪ್ರಥಿತೋಽನ್ನಕಾಮಾಃ ।
ಪ್ರೀತಾ ಮಹೇಶವನಿತಾ ಹಿಮಶೈಲಕನ್ಯಾ
     ತೇಷಾಂ ದದಾತಿ ಸುತರಾಂ ಮನಸೇಪ್ಸಿತಾನಿ ॥ 11॥


ಇತಿ ಶ್ರೀಶಂಕರಾಚಾರ್ಯವಿರಚಿತಮನ್ನಪೂರ್ಣಾಸ್ತೋತ್ರಂ ಸಮ್ಪೂರ್ಣಮ್ ।
*********