ಶ್ರೀ ಹರಿನಾಮಾಷ್ಟಕಮ್
ಶ್ರೀ ಕೇಶವಾಚ್ಯುತ ಮುಕುಂದ ರಥಾಂಗಪಾಣೇ |
ಗೋವಿಂದ ಮಾಧವ ಜನಾರ್ದನ ದಾನವಾರೇ ||
ನಾರಾಯಣಾಮರಪತೇ ತ್ರಿಜಗನ್ನಿವಾಸೇ |
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ||೧||
ಶ್ರೀದೇವದೇವ ಮಧುಸೂದನ ಶಾರ್ಙಪಾಣೇ |
ದಾಮೋದರಾರ್ಣವನಿಕೇತನ ಕೈಟಭಾರೇ ||
ವಿಶ್ವಂಬರಾಭರಣ ಭೂಷಿತ ಭೂಮಿ ಪಾಲ|
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ||೨||
ಶ್ರೀಪದ್ಮಲೋಚನ ಗದಾಧರ ಪದ್ಮನಾಭ |
ಪದ್ಮೇಶ,ಪದ್ಮಪಾವನ,ಪದ್ಮಪಾಣೇ ||
ಪೀತಾಂಬರಾಂಬರಾಂಬರರುಚೇ ರುಚಿರಾವತಾರ |
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ||೩||
ಶ್ರೀಕಾಂತ,ಕೌಸ್ತುಭಧರಾರ್ತಿಹರಾಬ್ಜಪಾಣೇ,
ವಿಷ್ಣೋ ತ್ರಿವಿಕ್ರಮ ಮಹೀಧರ ಧರ್ಮಸೇತೋ ||
ವೈಕುಂಠವಾಸ ವಸುಧಾಧಿಪ ವಾಸುದೇವ |
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ||೪||
ಶ್ರೀನಾರಸಿಂಹ ನರಕಾಂತಕ ಕಾಂತಮೂರ್ತೇ |
ಲಕ್ಶ್ಮೀಪತೇ ಗರುಡವಾಹನ ಶೇಷಶಾಯಿನ್ ||
ಕೇಶಿಪ್ರಣಾಶನ ಸುಕೇಶ ಕಿರೀಟ ಮೌಲೇ |
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ||೫||
ಶ್ರೀವತ್ಸಲಾಂಛನ ಸುರರ್ಷಭ ಶಂಖಪಾಣೇ |
ಕಲ್ಪಾಂತವಾರಿಧಿ ವಿಹಾರೇ ಹರೇ ಮುರಾರೇ ||
ಯಜ್ಞೇಶ ಯಜ್ಞಮಯ ಯಜ್ಞಭುಗಾದಿ ದೇವ|
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ||೬||
ಶ್ರೀರಾಮ ರಾವಣರಿಪೋ ರಘುವಂಶಕೇತೋ |
ಸೀತಾಪತೇ ದಶರಥಾತ್ಮಜ ರಾಜಸಿಂಹ ||
ಸುಗ್ರೀವಮಿತ್ರ ಮೃಗವೇಧನ ಚಾಪಪಾಣೇ |
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ||೭||
ಶ್ರೀಕೃಷ್ಣ ವೃಷ್ಣಿವರ ಯಾದವ ರಾಧಿಕೇಶ |
ಗೋವರ್ಧನೋದ್ಧರಣ ಕಂಸ ವಿನಾಶ ಶೌರೇ ||
ಗೋಪಾಲ ವೇಣುಧರ,ಪಾಂಡುಸುತೈಕ ಬಂಧೋ |
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ||೮||
ಇತ್ಯಷ್ಟಕಂ ಭಗವತ: ಸತತಂ ನರೋ ಯೋ |
ನಾಮಾಂಕಿತಂ ಪಠತಿ ನಿತ್ಯಮನನ್ಯಚೇತಾ: ||
ವಿಷ್ಣೊ: ಪರಂ ಪದಮುಪೈತಿ ಪನರ್ನಜಾತು |
ಮಾತು: ಪಯೋಧರರಸಂ ಪಿಬತೀಹ ಸತ್ಯಮ್ ||೯||
||ಇತಿ ಶ್ರೀ ಹರಿನಾಮಾಷ್ಟಕಮ್
************
No comments:
Post a Comment