ಶ್ರೀ ಗಂಗಾಷ್ಟಕಮ್ ಆದಿ ಶಂಕರಾಚಾರ್ಯ ಕೃತಂ गंगाष्टकम् sri gangashtakam by adi shankaracharya

ಶ್ರೀಗಂಗಾಷ್ಟಕಮ್ 

                ಓಂ

ಭಗವತಿ ತವ ತೀರೇ ನೀರಮಾತ್ರಾಶನೋಽಹಂ

ವಿಗತವಿಷಯತೃಷ್ಣಃ ಕೃಷ್ಣಮಾರಾಧಯಾಮಿ ।

ಸಕಲಕಲುಷಭಂಗೇ ಸ್ವರ್ಗಸೋಪಾನಗಂಗೇ

ತರಲತರತರಂಗೇ ದೇವಿ ಗಂಗೇ ಪ್ರಸೀದ ॥ 1॥

ಭಗವತಿ ಭವಲೀಲಾಮೌಲಿಮಾಲೇ ತವಾಂಭಃ

ಕಣಮಣುಪರಿಮಾಣಂ ಪ್ರಾಣಿನೋ ಯೇ ಸ್ಪೃಶನ್ತಿ ।

ಅಮರನಗರನಾರಿಚಾಮರಮರಗ್ರಾಹಿಣೀನಾಂ

ವಿಗತಕಲಿಕಲಂಕಾತಂಕಮಂಕೇ ಲುಠನ್ತಿ ॥ 2॥

ಬ್ರಹ್ಮಾಂಡಂ ಖಂಡಯನ್ತೀ ಹರಶಿರಸಿ ಜಟಾವಲ್ಲಿಮುಲ್ಲಾಸಯನ್ತೀ

ಖರ್ಲ್ಲೋಕಾತ್ ಆಪತನ್ತೀ ಕನಕಗಿರಿಗುಹಾಗಂಡಶೈಲಾತ್ ಸ್ಖಲನ್ತೀ ।

ಕ್ಷೋಣೀ ಪೃಷ್ಠೇ ಲುಠನ್ತೀ ದುರಿತಚಯಚಮೂನಿಂರ್ಭರಂ ಭರ್ತ್ಸಯನ್ತೀ

ಪಾಥೋಧಿಂ ಪುರಯನ್ತೀ ಸುರನಗರಸರಿತ್ ಪಾವನೀ ನಃ ಪುನಾತು ॥ 3॥

ಮಜ್ಜನಮಾತಂಗಕುಂಭಚ್ಯುತಮದಮದಿರಾಮೋದಮತ್ತಾಲಿಜಾಲಂ

ಸ್ನಾನಂಃ ಸಿದ್ಧಾಂಗನಾನಾಂ ಕುಚಯುಗವಿಗಲತ್ ಕುಂಕುಮಾಸಂಗಪಿಂಗಮ್ ।

ಸಾಯಂಪ್ರಾತರ್ಮುನೀನಾಂ ಕುಶಕುಸುಮಚಯೈಃ ಛನ್ನತೀರಸ್ಥನೀರಂ

ಪಾಯ ನ್ನೋ ಗಾಂಗಮಂಭಃ ಕರಿಕಲಭಕರಾಕ್ರಾನ್ತರಂ ಹಸ್ತರಂಗಮ್ ॥ 4॥

ಆದಾವಾದಿ ಪಿತಾಮಹಸ್ಯ ನಿಯಮವ್ಯಾಪಾರಪಾತ್ರೇ ಜಲಂ

ಪಶ್ಚಾತ್ ಪನ್ನಗಶಾಯಿನೋ ಭಗವತಃ ಪಾದೋದಕಂ ಪಾವನಮ್ ।

ಭೂಯಃ ಶಂಭುಜಟಾವಿಭೂಷಣಮಣಿಃ ಜಹನೋರ್ಮಹರ್ಷೇರಿಯಂ

ಕನ್ಯಾ ಕಲ್ಮಷನಾಶಿನೀ ಭಗವತೀ ಭಾಗೀರಥೀ ದೃಶ್ಯತೇ ॥ 5॥

ಶೈಲೇನ್ದ್ರಾತ್ ಅವತಾರಿಣೀ ನಿಜಜಲೇ ಮಜ್ಜತ್ ಜನೋತ್ತಾರಿಣೀ

ಪಾರಾವಾರವಿಹಾರಿಣೀ ಭವಭಯಶ್ರೇಣೀ ಸಮುತ್ಸಾರಿಣೀ ।

ಶೇಷಾಹೇರನುಕಾರಿಣೀ ಹರಶಿರೋವಲ್ಲಿದಲಾಕಾರಿಣೀ

ಕಾಶೀಪ್ರಾನ್ತವಿಹಾರಿಣೀ ವಿಜಯತೇ ಗಂಗಾ ಮನೂಹಾರಿಣೋ ॥ 6॥

ಕುತೋ ವೀಚಿರ್ವೀಚಿಸ್ತವ ಯದಿ ಗತಾ ಲೋಚನಪಥಂ

ತ್ವಮಾಪೀತಾ ಪೀತಾಂಬರಪುಗ್ನಿವಾಸಂ ವಿತರಸಿ ।

ತ್ವದುತ್ಸಂಗೇ ಗಂಗೇ ಪತತಿ ಯದಿ ಕಾಯಸ್ತನುಭೃತಾಂ

ತದಾ ಮಾತಃ ಶಾತಕ್ರತವಪದಲಾಭೋಽಪ್ಯತಿಲಘುಃ ॥ 7॥

ಗಂಗೇ ತ್ರೈಲೋಕ್ಯಸಾರೇ ಸಕಲಸುರವಧೂಧೌತವಿಸ್ತೀರ್ಣತೋಯೇ

ಪೂರ್ಣಬ್ರಹ್ಮಸ್ವರೂಪೇ ಹರಿಚರಣರಜೋಹಾರಿಣಿ ಸ್ವರ್ಗಮಾರ್ಗೇ ।

ಪ್ರಾಯಶ್ಚಿತಂ ಯದಿ ಸ್ಯಾತ್ ತವ ಜಲಕಾಣಿಕ್ರಾ ಬ್ರಹ್ಮಹತ್ಯಾದಿಪಾಪೇ

ಕಸ್ತ್ವಾಂ ಸ್ತೋತುಂ ಸಮರ್ಥಃ ತ್ರಿಜಗದಘಹರೇ ದೇವಿ ಗಂಗೇ ಪ್ರಸೀದ ॥ 8॥

ಮಾತರ್ಜಾಹ್ನವೀ ಶಂಭುಸಂಗವಲಿತೇ ಮೌಲೈ ನಿಧಾಯಾಂಜಲಿಂ

ತ್ವತ್ತೀರೇ ವಪುಷೋಽವಸಾನಸಮಯೇ ನಾರಾಯಣಾಂಧ್ರಿದ್ವಯಮ್ ।

ಸಾನನ್ದಂ ಸ್ಮರತೋ ಭವಿಷ್ಯತಿ ಮಮ ಪ್ರಾಣಪ್ರಯಾಣೋತ್ಸವೇ

ಭೂಯಾತ್ ಭಕ್ತಿರವಿಚ್ಯುತಾ ಹರಿಹರದ್ವೈತಾತ್ಮಿಕಾ ಶಾಶ್ವತೀ ॥ 9॥

ಗಂಗಾಷ್ಟಕಮಿದಂ ಪುಣ್ಯಂ ಯಃ ಪಠೇತ್ ಪ್ರಯತೋ ನರಃ ।

ಸರ್ವಪಾಪವಿನಿರ್ಭುಕ್ತೋ ವಿಷ್ಣುಲೋಕಂ ಸ ಗಚ್ಛತಿ ॥ 10॥

ಇತಿ 

ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯ ಶ್ರೀಗೋವಿನ್ದಭಗವತ್ಪೂಜ್ಯಪಾದಸ್ಯಶಿಷ್ಯಾ

ಶ್ರೀಮಚ್ಛಂಕರಭಗವತಃ ಕೃತೌ ಗಂಗಾಷ್ಟಕಸ್ತೋತ್ರಂ ಸಮ್ಪೂರ್ಣಮ್ ।

*************

श्री गंगाष्टकम् 
                ॐ
भगवति तव तीरे नीरमात्राशनोऽहं
    विगतविषयतृष्णः कृष्णमाराधयामि ।
सकलकलुषभंगे स्वर्गसोपानगंगे
    तरलतरतरंगे देवि गंगे प्रसीद ॥ १॥

भगवति भवलीलामौलिमाले तवांभः
    कणमणुपरिमाणं प्राणिनो ये स्पृशन्ति ।
अमरनगरनारिचामरमरग्राहिणीनां
    विगतकलिकलंकातंकमंके लुठन्ति ॥ २॥

ब्रह्माण्डं खंडयन्ती हरशिरसि जटावल्लिमुल्लासयन्ती
    खर्ल्लोकात् आपतन्ती कनकगिरिगुहागण्डशैलात् स्खलन्ती ।
क्षोणी पृष्ठे लुठन्ती दुरितचयचमूनिंर्भरं भर्त्सयन्ती
    पाथोधिं पुरयन्ती सुरनगरसरित् पावनी नः पुनातु ॥ ३॥

मज्जनमातंगकुंभच्युतमदमदिरामोदमत्तालिजालं
    स्नानंः सिद्धांगनानां कुचयुगविगलत् कुंकुमासंगपिंगम् ।
सायंप्रातर्मुनीनां कुशकुसुमचयैः छन्नतीरस्थनीरं
    पाय न्नो गांगमंभः करिकलभकराक्रान्तरं हस्तरंगम् ॥ ४॥

आदावादि पितामहस्य नियमव्यापारपात्रे जलं
    पश्चात् पन्नगशायिनो भगवतः पादोदकं पावनम् ।
भूयः शंभुजटाविभूषणमणिः जहनोर्महर्षेरियं
    कन्या कल्मषनाशिनी भगवती भागीरथी दृश्यते ॥ ५॥

शैलेन्द्रात् अवतारिणी निजजले मज्जत् जनोत्तारिणी
    पारावारविहारिणी भवभयश्रेणी समुत्सारिणी ।
शेषाहेरनुकारिणी हरशिरोवल्लिदलाकारिणी
    काशीप्रान्तविहारिणी विजयते गंगा मनूहारिणो ॥ ६॥

कुतो वीचिर्वीचिस्तव यदि गता लोचनपथं
    त्वमापीता पीतांबरपुग्निवासं वितरसि ।
त्वदुत्संगे गंगे पतति यदि कायस्तनुभृतां
    तदा मातः शातक्रतवपदलाभोऽप्यतिलघुः ॥ ७॥

गंगे त्रैलोक्यसारे सकलसुरवधूधौतविस्तीर्णतोये
    पूर्णब्रह्मस्वरूपे हरिचरणरजोहारिणि स्वर्गमार्गे ।
प्रायश्चितं यदि स्यात् तव जलकाणिक्रा ब्रह्महत्यादिपापे
    कस्त्वां स्तोतुं समर्थः त्रिजगदघहरे देवि गंगे प्रसीद ॥ ८॥

मातर्जाह्नवी शंभुसंगवलिते मौलै निधायाञ्जलिं
    त्वत्तीरे वपुषोऽवसानसमये नारायणांध्रिद्वयम् ।
सानन्दं स्मरतो भविष्यति मम प्राणप्रयाणोत्सवे
    भूयात् भक्तिरविच्युता हरिहरद्वैतात्मिका शाश्वती ॥ ९॥

गंगाष्टकमिदं पुण्यं यः पठेत् प्रयतो नरः ।
    सर्वपापविनिर्भुक्तो विष्णुलोकं स गच्छति ॥ १०॥

इति श्रीमत्परमहंसपरिव्राजकाचार्य श्रीगोविन्दभगवत्पूज्यपादस्यशिष्या

श्रीमच्छङ्करभगवतः कृतौ गङ्गाष्टकस्तोत्रं सम्पूर्णम् ।
**********