ಶ್ರೀ ಹನೂಮತ್ಕವಚಮ್
ಓಂ ಅಸ್ಯಶ್ರೀ ಹನುಮತ್ಕವಚಸ್ಯ ರಾಮಚಂದ್ರ ಋಷಿ: |
ವೀರಹನುಮಾನ್ ದೇವತಾ |ಅನುಷ್ಠುಪ್ ಛಂದ: |
ಮಾರುತಾತ್ಮಜ ಇತಿ ಬೀಜಂ|ಅಂಜನಾಸೂನುರಿತಿ ಶಕ್ತಿ: |
ಶ್ರೀರಾಮಕಿಂಕರ ಇತಿ ಕೀಲಕಂ |
ಮಮ ಸರ್ವ ರಕ್ಷಾರ್ಥಂ ಶ್ರೀಹನುಮತ್ಕವಚ ಸ್ತೋತ್ರ ಜಪೇ ವಿನಿಯೋಗ:||
||ಸ್ತೋತ್ರಮ್||
ಧ್ಯಾಯೇದ್ಬಾಲ ದಿವಾಕರ ದ್ಯುತಿನಿಭಂ ದೇವಾರಿದರ್ಪಾಪಹಂ |
ದೇವೇಂದ್ರ ಪ್ರಮುಖ ಪ್ರಶಸ್ತಯಶಸಂ ದೇದೀಪ್ಯಮಾನಂ ರುಚಾ ||೧||
ಸುಗ್ರೀವಾದಿ ಸಮಸ್ತವಾನರಯುತಂ ಸುವ್ಯಕ್ತ ತತ್ವ ಪ್ರಿಯಂ |
ಸಂರಕ್ತಾರುಣಲೋಚನಂ ಪವನಜಂ ಪೀತಾಂಬರಾಲಂಕೃತಮ್ ||೨||
ಹನೂಮಾನ್ ಪೂರ್ವತ: ಪಾತು ದಕ್ಷಿಣೇ ಪವನಾತ್ಮಜ: |
ಪಾತು ಪ್ರಚೀಚ್ಯಾಮಕ್ಷಘ್ನ: ಪಾತು ಸಾಗರ ಪಾರಗ: ||೩||
ಉದೀಚ್ಯಾಂ ಊರ್ಧ್ವಗ: ಪಾತು ಕೇಸರೀ ಪ್ರಿಯನಂದನ: |
ಅಧಸಾದ್ವಿಷ್ಣುಭಕ್ತಸ್ತು ಪಾತು ಮಧ್ಯೇತು ಪಾವನಿ: ||೪||
ಲಂಕಾವಿದಾಹಕ: ಪಾತು ಸರ್ವಾಪದ್ಯೋ ನಿರಂಜನ: |
ಸುಗ್ರೀವ ಸಚಿವ: ಪಾತು ಮಸ್ತಕೇ ವಾಯುನಂದನ: ||೫||
ಭಾಲಂ ಪಾತು ಮಹಾವೀರೋ ಭೃವೋರ್ಮಧ್ಯೇ ನಿರಂಜನ: |
ನೇತ್ರೇ ಛಾಯಾಪಹಾರೀ ಚ ಪಾತು ನ: ಪ್ಲವಗೇಶ್ವರ: ||೬||
ಕಪೋಲೌ ಕರ್ಣಮೂಲೇ ತು ಪಾತು ಶ್ರೀ ರಾಮಕಿಂಕರ: |
ನಾಸಾಗ್ರಮಂಜನಾಸೂನು: ಪಾತು ವಕ್ತ್ರಂ ಹರೀಶ್ವರ: ||೭||
ಪಾತು ಕಂಠಂತು ದೈತ್ಯಾರಿ: ಸ್ಕಂಧೌ ಪಾತು ಸುರಾರ್ಚಿತ: |
ಭುಜೌ ಪಾತು ಮಹಾತೇಜಾ: ಕರೌತು ಚರಣಾಯುಧ: ||೮||
ಲಂಕಾವಿದಾಹಕ: ಪಾತು ಪೃಷ್ಠದೇಶೇ ನಿರಂತರಂ |
ನಾಭಿಂಚ ರಾಮದೂತಸ್ತು ಕಟಿಂ ಪಾತ್ವನಿಲಾತ್ಮಜ: ||೯||
ಗುಹ್ಯಂ ಪಾತು ಮಹಾಪ್ರಾಜ್ಞ: ಸಕ್ಥಿನೀ ಚ ಶಿವಪ್ರಿಯ: |
ಊರೂ ಚ ಜಾನುನೀ ಪಾತು ಲಂಕಾಪ್ರಾಸಾದ ಭಂಜನ: ||೧೦||
ಜಂಘೇ ಪಾತು ಕಪಿಶ್ರೇಷ್ಠೋ ಗುಲ್ಫೌ ಪಾತು ಮಹಾಬಲ: |
ಅಚಲೋದ್ಢಾರಕ: ಪಾತು ಪಾದೌ ಭಾಸ್ಕರ: ಸನ್ನಿಭ: ||೧೧||
ಅಂಗಾನ್ಯಮಿತ ಸತ್ವಾಢ್ಯ: ಪಾತು ಪಾದಾಂಗುಲಿ: ಸದಾ |
ಸರ್ವಾಂಗಾನಿ ಮಹಾಶೂರ: ಪಾತು ರೋಮಾಣಿಚಾತ್ಮವಾನ್ ||೧೨||
|| ಫಲಶೃತಿ: ||
ಹನೂಮತ್ಕವಚಂ ಯಸ್ತು ಪಠೇದ್ವಿದ್ವಾನ್ ವಿಚಕ್ಷಣ: |
ಸ ಏವ ಪುರುಷ ಶ್ರೇಷ್ಠೋ ಭುಕ್ತಿಂ ಮುಕ್ತಿಂ ಚ ವಿಂದತಿ ||೧೩||
ತ್ರಿಕಾಲಮೇಕಕಾಲಂ ವಾ ಜಪೇನ್ಮಾಸತ್ರಯಂ ಪುನ: |
ಸರ್ವಾನ್ಕಾಮಾನವಾಪ್ನೋತಿ ಐಶ್ವರ್ಯಂ ಜಯಮಾಪ್ನುಯಾತ್ ||೧೪||
ನಾಭಿಮಾತ್ರಜಲೇ ಸ್ಥಿತ್ವಾ ಸಪ್ತವಾರಂ ಪಠೇದ್ಯದಿ |
ಕ್ಷಯಾಪಸ್ಮಾರ ಕುಷ್ಠಾದಿ ತಾಪಜ್ವರ ನಿವಾರಣಂ ||೧೫||
ದೇವಾಲಯೇಸ್ಶ್ವತ್ಥಮೂಲೇ ಸ್ಥಿತ್ವಾ ಪಠತಿ ಯ: ಪುಮಾನ್ |
ಸ ಪುಮಾನ್ ಜಯಮಾಪ್ನೋತಿ ಸಂಗ್ರಾಮೇಚ ಸ್ಥಳಾಂತರೇ ||೧೬||
ಯ: ಕರೇ ಧಾರಯೇನ್ನಿತ್ಯಂ ಸರ್ವಾನ್ ಕಾಮಾನವಾಪ್ನುಯಾತ್ |
ಲಿಖಿತ್ವಾ ಪೂಜಯೇದ್ಯಸ್ತು ಸ ಪುಮಾನ್ ಜಯಮಾಪ್ನುಯಾತ್ ||೧೭||
ಶೃಂಖಲಾಬಂಧನೇ ಯಸ್ತು ಇಮಂ ಜಪತಿ ಮಾನವ:|
ತತ್ಕ್ಷಣನ್ಮುಕ್ತಿಮಾಪ್ನೋತಿ ಕಾರಾಗೇಹೇ ತಥೈವಚ ||೧೮||
ಭೂರ್ಜಪತ್ರೇ ಲಿಖಿತ್ವಾತು ಬುಧ್ನೀಯಾತ್ಕಂಠದೇಶತ: |
ಸರ್ವಕಾಲ ಫಲಂ ತೇಷಾಂ ಸರ್ವತ್ರ ವಿಜಯೋಭವೇತ್ ||೧೯||
||ಇತಿ ಶ್ರೀ ಸುದರ್ಶನ ಸಂಹಿತಾಯಾಂ ಹನೂಮತ್ಕವಚಮ್||
***********
No comments:
Post a Comment