ಶ್ರೀ ಶಿವ ಸ್ತುತಿ ನಾರಾಯಣ ಪಂಡಿತಾಚಾರ್ಯ ವಿರಚಿತಮ್ शिवस्तुति sri SHIVA STUTIH by narayana paditacharya

ಸ್ಫುಟಂ ಸ್ಫಟಿಕ-ಸಪ್ರಭಂ ಸ್ಫುಟಿತ-ಹಾಟಕ-ಶ್ರೀ-ಜಟಂ
ಶಶಾಂಕ-ದಲ-ಶೇಖರಂ ಕಪಿಲ-ಫುಲ್ಲ-ನೇತ್ರ-ತ್ರಯಮ್ |
ತರಕ್ಷು-ವರ-ಕೃತ್ತಿಮದ್ ಭುಜಗ-ಭೂಷಣಂ ಭೂತಿಮತ್
ಕದಾ ನು ಶಿತಿ-ಕಂಠ ತೇ ವಪುರವೇಕ್ಷತೇ ವೀಕ್ಷಣಮ್ || ೧ ||

ತ್ರಿ-ಲೋಚನ ವಿಲೋಚನೇ ಲಸತಿ ತೇ ಲಲಾಮಾಯಿತೇ
ಸ್ಮರೋ ನಿಯಮ-ಘಸ್ಮರೋ ನಿಯಮಿನಾಮಭೂದ್ ಭಸ್ಮಸಾತ್ |
ಸ್ವ-ಭಕ್ತಿ-ಲತಯಾ ವಶೀಕೃತವತೀ ಸತೀಯಂ ಸತೀ
ಸ್ವ-ಭಕ್ತ-ವಶಗೋ ಭವಾನಪಿ ವಶೀ ಪ್ರಸೀದ ಪ್ರಭೋ || ೨ ||

ಮಹೇಶ ಮಹಿತೋಽಸಿ ತತ್ಪುರುಷ ಪೂರುಷಾಗ್ರ್ಯೋ ಭವಾನ್
ಅಘೋರ ರಿಪು-ಘೋರ ತೇಽನವಮ ವಾಮ-ದೇವಾಂಜಲಿಃ |
ನಮಃ ಸಪದಿ-ಜಾತ ತೇ ತ್ವಮಿತಿ ಪಂಚ-ರೂಪೋಽ೦ಚಿತಃ
ಪ್ರಪಂಚಯ ಚ ಪಂಚ-ವೃನ್ಮಮ ಮನಸ್ತಮಸ್ತಾಡಯ || ೩ ||

ರಸಾ-ಘನರಸಾನಲಾನಿಲ-ವಿಯದ್-ವಿವಸ್ವದ್-ವಿಧು-
ಪ್ರಯಷ್ಟೃಷು ನಿವಿಷ್ಟಮಿತ್ಯಜ ಭಜಾಮಿ ಮೂರ್ತ್ಯಷ್ಟಕಮ್ |
ಪ್ರಶಾಂತಮುತ ಭೀಷಣಂ ಭುವನ-ಮೋಹನಂ ಚೇತ್ಯಹೋ
ವಪೂಂಷಿ ಗುಣ-ಪುಂಷಿ ತೇಽಹಮಹಮಾತ್ಮನೋಽಹಂ-ಭಿದೇ || ೪ ||

ವಿಮುಕ್ತಿ-ಪರಮಾಧ್ವನಾಂ ತವ ಷಡಧ್ವನಾಮಾಸ್ಪದಂ
ಪದಂ ನಿಗಮ-ವೇದಿನೋ ಜಗತಿ ವಾಮದೇವಾದಯಃ |
ಕಥಂಚಿದುಪ-ಶಿಕ್ಷಿತಾ ಭಗವತೈವ ಸಂವಿದ್ರತೇ
ವಯಂ ತು ವಿರಳಾಂತರಾಃ ಕಥಮುಮೇಶ ತನ್ಮನ್ಮಹೇ || ೫ ||

ಕಠೋರಿತ-ಕುಠಾರಯಾ ಲಲಿತ-ಶೂಲಯಾ ಬಾಹಯಾ
ರಣಡ್ಡಮರಯಾ ಸ್ಫುರದ್ಧರಿಣಯಾ ಸ-ಖಟ್ವಾಂಗಯಾ |
ಚಲಭಿರಚಲಾಭಿರಪ್ಯಗಣಿತಾಭಿರುನ್ನೃತ್ಯತಃ
ಚತುರ್ದಶ ಜಗಂತಿ ತೇ ಜಯ-ಜಯೇತ್ಯಯುರ್ವಿಸ್ಮಯಮ್ || ೬ ||

ಪುರು-ತ್ರಿಪುರ-ರಂಧನಂ ವಿವಿಧ-ದೈತ್ಯ-ವಿಧ್ವಂಸನಂ
ಪರಾಕ್ರಮ-ಪರಂಪರಾ ಅಪಿ ಪರಾ ನ ತೇ ವಿಸ್ಮಯಃ |
ಅಮರ್ಷ-ಬಲ-ಹರ್ಷಿತ-ಕ್ಷುಭಿತ-ವೃತ್ತ-ನೇತ್ರೋಜ್ಜ್ವಲ-
ಜ್ವಲಜ್ಜ್ವಲನ-ಹೇಲಯಾ ಶಲಭಿತಂ ಹಿ ಲೋಕ-ತ್ರಯಮ್ || ೭ ||

ಸಹಸ್ರ-ನಯನೋ ಗುಹಃ ಸಹ-ಸಹಸ್ರ-ರಶ್ಮಿರ್ವಿಧುಃ
ಬೃಹಸ್ಪತಿರುತಾತ್ಪತಿಃ ಸ-ಸುರ-ಸಿದ್ಧ-ವಿದ್ಯಾಧರಾಃ |
ಭವತ್-ಪದ-ಪರಾಯಣಾಃ ಶ್ರಿಯಮಿಮಾಮಗುಃ ಪ್ರಾರ್ಥಿನಾಂ
ಭವಾನ್ ಸುರ-ತರುರ್ದೃಶಂ ದಿಶ ಶಿವಾಂ ಶಿವಾ-ವಲ್ಲಭ || ೮ ||

ತವ ಪ್ರಿಯ-ತಮಾದತಿ-ಪ್ರಿಯ-ತಮಂ ಸದೈವಾಂತರಂ
ಪಯಸ್ಯುಪಹಿತಂ ಘೃತಂ ಸ್ವಯಮಿವ ಶ್ರಿಯೋ ವಲ್ಲಭಮ್ |
ವಿಭಿದ್ಯ ಲಘು-ಬುದ್ಧಯಃ ಸ್ವ-ಪರ-ಪಕ್ಷ-ಲಕ್ಷಾಯಿತಂ
ಪಠಂತಿ ಹಿ ಲುಠಂತಿ ತೇ ಶಠ-ಹೃದಃ ಶುಚಾ ಶುಂಠಿತಾಃ || ೯ ||

ವಿಲಾಸ-ನಿಲಯಶ್ಚಿತಾ ತವ ಶಿರಸ್ತತಿರ್ಮಾಲಿಕಾ
ಕಪಾಲಮಪಿ ತೇ ಕರೇ ತ್ವಮಶಿವೋಽಸ್ಯನಂತರ್ಧಿಯಾಮ್ |
ತಥಾಽಪಿ ಭವತಃ ಪದಂ ಶಿವ-ಶಿವೇತ್ಯದೋ ಜಲ್ಪತಾಂ
ಅಕಿಂಚನ ನ ಕಿಂಚನ ವ್ರಜಿನಮಸ್ತ್ಯಭಸ್ಮೀಭವತ್ || ೧೦ ||

ತ್ವಮೇವ ಕಿಲ ಕಾಮ-ಧಕ್ ಸಕಲ-ಕಾಮಮಾ-ಪೂರಯನ್
ಅಪಿ ತ್ರಿ-ನಯನಃ ಸದಾ ವಹಸಿ ಚಾತ್ರಿ-ನೇತ್ರೋದ್ಭವಮ್ |
ವಿಷಂ ವಿಷ-ಧರಾನ್ ದಧತ್ ಪಿಬಸಿ ತೇನ ಚಾಽನಂದವಾನ್
ವಿರುದ್ಧ-ಚರಿತೋಚಿತಾ ಜಗದಧೀಶ ತೇ ಭಿಕ್ಷುತಾ || ೧೧ ||

ನಮಃ ಶಿವ-ಶಿವಾಶಿವಾಶಿವ ಶಿವಾರ್ಧ ಕೃಂತಾಶಿವಂ
ನಮೋ ಹರ ಹರಾಽಹರಾ-ಹರಹರಾಂತರೀಂ ಮೇ ದೃಶಮ್ |
ನಮೋ ಭವ ಭವಾಭವ ಪ್ರಭವ ಭೂತಯೇ ಸಂಪದಾಂ
ನಮೋ ಮೃಢ ನಮೋ-ನಮೋ ನಮ ಉಮೇಶ ತುಭ್ಯಂ ನಮಃ || ೧೨ ||

ಸತಾಂ ಶ್ರವಣ-ಪದ್ಧತಿಂ ಸರತು ಸನ್ನತೋಕ್ತೇತ್ಯಸೌ
ಶಿವಸ್ಯ ಕರುಣಾಂಕುರಾತ್ ಪ್ರತಿ-ಕೃತಾತ್ ಸದಾ ಸೋದಿತಾ |
ಇತಿ ಪ್ರಥಿತ-ಮಾನಸೋ ವ್ಯಧಿತ ನಾಮ ನಾರಾಯಣಃ
ಶಿವ-ಸ್ತುತಿಮಿಮಾಂ ಶಿವಾಂ ಲಿಕುಚ-ಸೂರಿ-ಸೂನುಃ ಸುಧೀಃ || ೧೩ ||


|| ಇತಿ ಶ್ರೀನಾರಾಯಣಪಂಡಿತಾಚಾರ್ಯವಿರಚಿತಾ ಶಿವಸ್ತುತಿಃ ಸಮಾಪ್ತಾ ||
********

अथ श्री शिवस्तुति:


स्फुटं स्फटिकसप्रभं स्फुटितहाटकश्रीजटं
शशांकदलशेखरं कपिलफुल्लनेत्रत्रयम् ।
तरक्षुवरकृत्तिमद्भुजगभूषणं भूतिमत्
कदा तु शितिकंठ ते वपुरवेक्षते वीक्षणम् ।।१।।


त्रिलोचन विलोचने लसति ते ललामायिते
स्मरो नियमघस्मरो नियमिनामभूद्भस्मसात् ।
स्वभक्तिलतया वशीकृतवती सतीयं सती
स्वभक्तवशगो भवानपि वशी प्रसीद प्रभो ।।२।।


महेश महितोऽसि तत्पुरुष पूरुषाग्र्यो भवान्
अघोर रिपुघोर तेऽनवम वामदेवांजलि: ।
नम: सपदिजात ते त्वमिति पंचरूपोंऽचित:
प्रपंचय च पंचवृन्मम मनस्तमस्ताडय ।।३।।


रसाघनरसानलानिलवियद्विवस्वद्विधु-
प्रयष्टृषु निविष्टमित्यज भजामि मूर्त्यष्टकम् ।
प्रशांतमुत भीषणं भुवनमोहनं चेत्यहो
वपूंषि गुणपुंषि तेऽहमहमात्मनोऽहं भिदे ।।४।।


विमुक्तिपरमाध्वनां तव षडध्वनामास्पदं
पदं निगमवेदिनो जगति वामदेवादय: ।
कथंचिदुपशिक्षिता भगवतैव संविद्रते
वयं तु विरलांतरा: कथमुमेश तन्मन्महे ।।५।।


कठोरितकुठारया ललितशूलया बाहया
रणड्ढमरया स्फुरद्धरिणया सखट्वांगया ।
चलाभिरचलाभिरप्यगणिताभिरुन्नृत्यत:
चतुर्दश जगंति ते जय जयेत्ययुर्विस्मयम् ।।६।।


पुरत्रिपुररंधनं विविधदैत्यविध्वंसनं
पराक्रमपरंपरा अपि परा न ते विस्मय: ।
अमर्षबलहर्षितक्षुभितवृत्तनेत्रत्रयो-
ज्ज्वलज्वलन हेलया शलभितं हि लोकत्रयम् ।।७।।


सहस्रनयनो गुह: सहसहस्ररश्मिर्विधु:
बृहस्पतिरुताप्पति: ससुरसिद्धविद्याधरा: ।
भवत्पदपरायणा: श्रियमिमामगु: प्रार्थिनां
भवान् सुरतरुर्दृशं दिश शिवां शिवावल्लभ ।।८।।


तव प्रियतमादतिप्रियतमं सदैवांतरं
पयस्युपहितं घृतं स्वयमिव श्रियो वल्लभम् ।
विभिद्य लघुबुद्धय: स्वपरपक्षलक्षायितं
पठंति हि लुठंति ते शठहृद: शुचा शुंठिता: ।।९।।


निवासनिलयश्चिता तव शिरस्ततिर्मालिका
कपालमपि ते करे त्वमशिवोऽस्यनंतर्धियाम् ।
तथाऽपि भवत: पदं शिव शिवेत्यदो जल्पतां
अकिंचन न किंचन वृजिनमस्त्यभस्मीभवत् ।।१०।।


त्वमेव किल कामधुक् सकलकाममापूरयन्
अपि त्रिनयन: सदा वहसि चात्रिनेत्रोद्भवम् ।
विषं विषधरान् दधत् पिबसि तेन चानंदवान्
विरुद्धचरितोचिता जगदधीश ते भिक्षुता ।।११।।


नम: शिव शिवाशिवाशिव शिवार्ध कृंताशिवं
नमो हर हराहराहरहरांतरीं मे दृशम् ।
नमो भव भवाभव प्रभव भूतये संपदां
नमो मृड नमो नमो नम उमेश तुभ्यं नम: ।।१२।।


सतां श्रवणपद्धतिं सरतु सन्नतोक्तेत्यसौ
शिवस्य करुणांकुरात् प्रतिकृतात् सदा सोदिता ।
इति प्रथितमानसो व्यधित नाम नारायण:
शिवस्तुतिमिमां शिवां लिकुचसूरिसूनु: सुधी: ।।१३।।


॥ इति श्री नारायणपंडिताचार्यविरचिता श्री शिवस्तुतिः ॥
***

sphuTaM sphaTikasaprabhaM sphuTitahATakashrIjaTaM shashA~Nkadalashekha raM kapilaphullanetratrayam | tarakShuvarakRRittimadbhujagabhUShaNaM bhUtimat- kadA nu shitikaNTha te vapuravekShate vIkShaNam || 1|| 

trilochana vilochane lasati te lalAmAyite smaro niyamaghasmaro niyaminAmabhUdbhasmasAt | svabhaktilatayA vashIkRRitavatIsatIyaM satI svabhaktavashago bhavAnapi vashI prasIda prabho || 2|| 

mahesha mahito.asi tatpuruSha pUruShAgryo bhavAn- aghoraripughora te.anavama vAmadevA~njaliH | namaH sapadi jAta te tvamiti pa~ncharUpo.nchitaH- prapa~nchachayapa~nchavRRinmama manastamastADaya || 3|| 

rasAghanarasAnalAnilaviyadvivasvadvidhu- prayaShTRRiShu niviShTamityaja bhajAmi mUrtyaShTakam | prashAntamuta bhIShaNaM bhuvanamohanaM chetyaho vapUMShi guNapUMShite.ahamahamAtmano.ahaMbhide || 4|| 

vimuktiparamAdhvanAM tava ShaDadhvanAmAspadaM padaM nigamavedino jagati vAmadevAdayaH | katha~nchidupashikShitA bhagavataiva saMvidrate vayaM tu viralAntarAH kathamumesha tanmanmahe || 5||

 kaThoritakuThArayA lalitashUlayA bAhayA raNaDDamarayA sphuraddhariNayA sakhaTvA~NgayA | chalAbhirachalAbhirapyagaNitAbhirunnRRityataH- chaturdasha jaganti te jayajayetyayurvismayam || 6|| 

purA tripurarandhanaM vividhadaityavidhvaMsanaM parAkramaparamparA api parA na te vismayaH | amarShabalaharShitakShubhitavRRittanetratrayo- jvalajjvalanahelayA shalabhitaM hi lokatrayam || 7||

sahasranayano guhaH sahasahasrarashmirvidhuH- bRRihaspatirutAppatiH sasurasiddhavidyAdharAH | bhavatpadaparAyaNAH shriyamimAMaguH prArthitAM bhavAn suratarurdhRRishaM shiva shivAM shivAvallabha || 8|| 

tava priyatamAdatipriyatamaM sadaivAntaraM payasyupahitaM ghRRitaM svayamiva shriyo vallabham | vibhidya laghubuddhayaH svaparapakShalakShyAyitaM paThanti hi luThanti te shaThahRRidaH shuchA shuNThitAH || 9|| 

vilAsanilayashchitA tava shirastatirmAlikA kapAlamapi te kare tvamashivosyanantardhiyAm | tathApi bhavataH padaM shivashivetyado jalpatAM aki~nchana na ki~nchana vRRijinamastya bhasmIbhavat || 10|| 

tvameva kila kAmadhuk sakalakAmamApUrayan api trinayanaH sadA vahasi chAtrinetrodbhavam | viShaM viShadharAndadhatpibasi tena chAnandavAn viruddhacharitochitA jagadadhIsha te bhikShutA || 11|| 

namaH shivashivAshivAshivashivArdha kRRintAshivaM namo haraharAharAharaharAntarIM me dRRisham | namo bhavabhavAbhavaprabhavabhUtaye saMpadAM namo mRRiDa namo namo nama umesha tubhyaM namaH || 12|| 

satAM shravaNapaddhatiM saratu sannatoktetyasau shivasya karuNA~NkurAtpratikRRitAtsadA soditA | iti prathitamAnaso vyadhita nAma nArAyaNaH shivastutimimAM shivaM likuchasUrisUnuH sudhIH || 13||

 iti shrI nArAyaNapaNDitAchAryavirachitA shivastutiH sampUrNA ||

*******

॥ ಶ್ರೀಶಿವಸ್ತುತೀ ನಾರಾಯಣಪಂಡಿತಕೃತ ॥

  ಸ್ಫುಟಂ ಸ್ಫಟಿಕಸಪ್ರಭಂ ಸ್ಫಟಿತಹಾರಕಶ್ರೀಜಟಂ ಶಶಾಂಕದಲಶೇಖರಂ ಕಪಿಲಫುಲ್ಲನೇತ್ರತ್ರಯಮ್ । ತರಕ್ಷುವರಕೃತ್ತಿಮದ್ಭುಜಗಭೂಷಣಂ ಭೂತಿಮತ್- ಕದಾ ನು ಶಿತಿಕಂಠ ತೇ ವಪುರವೇಕ್ಷತೇ ವೀಕ್ಷಣಮ್ ॥ 1॥ 

ತ್ರಿಲೋಚನ ವಿಲೋಚನೇ ಲಸತಿ ತೇ ಲಲಾಮಾಯಿತೇ ಸ್ಮರೋ ನಿಯಮಘಸ್ಮರೋ ನಿಯಮಿನಾಮಭೂದ್ಭಸ್ಮಸಾತ್ । 
ಸ್ವಭಕ್ತಿಲತಯಾ ವಶೀಕೃತವತೀಸತೀಯಂ ಸತೀ ಸ್ವಭಕ್ತವಶತೋ ಭವಾನಪಿ ವಶೀ ಪ್ರಸೀದ ಪ್ರಭೋ ॥ 2॥ 

ಮಹೇಶ ಮಹಿತೋಽಸಿ ತತ್ಪುರುಷ ಪೂರುಷಾಗ್ರ್ಯೋ ಭವಾನ್- ಅಘೋರರಿಪುಘೋರ ತೇಽನವಮ ವಾಮದೇವಾಂಜಲಿಃ । 
ನಮಃ ಸಪದಿ ಜಾತ ತೇ ತ್ವಮಿತಿ ಪಂಚರೂಪೋಚಿತ- ಪ್ರಪಂಚಚಯಪಂಚವೃನ್ಮಮ ಮನಸ್ತಮಸ್ತಾಡಯ ॥ 3॥ 

ರಸಾಘನರಸಾನಲಾನಿಲವಿಯದ್ವಿವಸ್ವದ್ವಿಧು- ಪ್ರಯಷ್ಟೃಷು ನಿವಿಷ್ಟಮಿತ್ಯಜ ಭಜಾಮಿ ಮೂರ್ತ್ಯಷ್ಟಕಮ್ । 
ಪ್ರಶಾನ್ತಮುತ ಭೀಷಣಂ ಭುವನಮೋಹನಂ ಚೇತ್ಯಹೋ ವಪೂಂಷಿ ಗುಣಪೂಷಿತೇಽಹಮಹಮಾತ್ಮನೋಽಹಂಭಿದೇ ॥ 4॥ 

ವಿಮುಕ್ತಿಪರಮಾಧ್ವನಾಂ ತವ ಪಡಧ್ವನಾಮಾಸ್ಪದಂ ಪದಂ ನಿಗಮವೇದಿನೋ ಜಗತಿ ವಾಮದೇವಾದಯಃ । ಕಥಂಚಿದುಪಶಿಕ್ಷಿತಾ ಭಗವತೈವ ಸಂವಿದ್ರತೇ ವಯಂ ತು ವಿರಲಾನ್ತರಾಃ ಕಥಮುಮೇಶ ತನ್ಮನ್ಮಹೇ ॥ 5॥ 

ಕಠೋರಿತಕುಠಾರಯಾ ಲಲಿತಶೂಲಯಾ ವಾಹಯಾ ರಣಡ್ಡಮರುಣಾ ಸ್ಫುರದ್ಧರಿಣಯಾ ಸಖಟ್ವಾಂಗಯಾ । ಚಲಾಭಿರಚಲಾಭಿರಪ್ಯಗಣಿತಾಭಿರುನ್ನೃತ್ಯತಶ್- ಚತುರ್ದಶ ಜಗನ್ತಿ ತೇ ಜಯಜಯೇತ್ಯಯುರ್ವಿಸ್ಮಯಮ್ ॥ 6॥ 

ಪುರಾ ತ್ರಿಪುರರನ್ಧನಂ ವಿವಿಧದೈತ್ಯವಿಧ್ವಂಸನಂ ಪರಾಕ್ರಮಪರಮ್ಪರಾ ಅಪಿ ಪರಾ ನ ತೇ ವಿಸ್ಮಯಃ । ಅಮರ್ಷಿಬಲಹರ್ಷಿತಕ್ಷುಭಿತವೃತ್ತನೇತ್ರೋಜ್ಜ್ವಲಜ್- ಜ್ವಲಜ್ಜ್ವಲನಹೇಲಯಾ ಶಲಭಿತಂ ಹಿ ಲೋಕತ್ರಯಮ್ ॥ 7॥ 

ಸಹಸ್ರನಯನೋ ಗುಹಃ ಸಹಸಹಸ್ರರಶ್ಮಿರ್ವಿಧುರ್- ಬೃಹಸ್ಪತಿರುತಾಪ್ಪತಿಃ ಸಸುರಸಿದ್ಧವಿದ್ಯಾಧರಾಃ । ಭವತ್ಪದಪರಾಯಣಾಃ ಶ್ರಿಯಮಿಮಾಂ ಯಯುಃ ಪ್ರಾರ್ಥಿತಾಂ ಭವಾನ್ ಸುರತರುರ್ಭೃಶಂ ಶಿವ ಶಿವಾಂ ಶಿವಾವಲ್ಲಭ ॥ 8॥ 

ತವ ಪ್ರಿಯತಮಾದತಿಪ್ರಿಯತಮಂ ಸದೈವಾನ್ತರಂ ಪಯಸ್ಯುಪಹಿತಂ ಭೃತಂ ಸ್ವಯಮಿವ ಶ್ರಿಯೋ ವಲ್ಲಭಮ್ । 
ವಿಬುಧ್ಯ ಲಘುಬುದ್ಧಯಃ ಸ್ವಪರಪಕ್ಷಲಕ್ಷ್ಯಾಯಿತಂ ಪಠನ್ತಿ ಹಿ ಲುಠನ್ತಿ ತೇ ಶಠಹೃದಃ ಶುಚಾ ಶುಂಠಿತಾಃ ॥ 9॥ 

ನಿವಾಸನಿಲಯಾಚಿತಾ ತವ ಶಿರಸ್ತತಿರ್ಮಾಲಿಕಾ ಕಪಾಲಮಪಿ ತೇ ಕರೇ ತ್ವಮಶಿವೋಸ್ಯನನ್ತರ್ಧಿಯಾಮ್ । 
ತಥಾಪಿ ಭವತಃ ಪದಂ ಶಿವಶಿವೇತ್ಯದೋ ಜಲ್ಪತಾಂ ಅಕಿಂಚನ ನ ಕಿಂಚನ ವೃಜಿನಮಸ್ತಿ ಭಸ್ಮೀಭವೇತ್ ॥ 10॥ 

ತ್ವಮೇವ ಕಿಲ ಕಾಮಧುಕ್ ಸಕಲಕಾಮಮಾಪೂರಯನ್ ಸದಾ ತ್ರಿನಯನೋ ಭವಾನ್ವಹತಿ ಚಾರ್ಚಿನೇತ್ರೋದ್ಭವಮ್ । ವಿಷಂ ವಿಷಧರಾನ್ದಧತ್ಪಿಬಸಿ ತೇನ ಚಾನನ್ದವಾನ್ ವಿರುದ್ಧಚರಿತೋಚಿತಾ ಜಗದಧೀಶ ತೇ ಭಿಕ್ಷುತಾ ॥ 11॥ 

ನಮಃ ಶಿವಶಿವಾಶಿವಾಶಿವಶಿವಾರ್ಥಂ ಕೃನ್ತಾಶಿವಂ ನಮೋ ಹರಹರಾಹರಾಹರಹರಾನ್ತರೀಂ ಮೇ ದೃಶಮ್ । ನಮೋ ಭವಭವಾಭವಪ್ರಭವಭೂತಯೇ ಮೇ ಭವಾನ್ ನಮೋ ಮೃಡ ನಮೋ ನಮೋ ನಮ ಉಮೇಶ ತುಭ್ಯಂ ನಮಃ ॥ 12॥ 

ಸತಾಂ ಶ್ರವಣಪದ್ಧತಿಂ ಸರತು ಸನ್ನತೋಕ್ತೇತ್ಯಸೌ ಶಿವಸ್ಯ ಕರುಣಾಂಕುರಾತ್ಪ್ರತಿಕೃತಾತ್ಸದಾ ಸೋಚಿತಾ । ಇತಿ ಪ್ರಥಿತಮಾನಸೋ ವ್ಯಧಿತ ನಾಮ ನಾರಾಯಣಃ ಶಿವಸ್ತುತಿಮಿಮಾಂ ಶಿವಂ ಲಿಕುಚಿಸೂರಿಸೂನುಃ ಸುಧೀಃ ॥ 13॥ 

ಇತಿ ಶ್ರೀ ನಾರಾಯಣಪಂಡಿತಾಚಾರ್ಯವಿರಚಿತಾ ಶಿವಸ್ತುತಿಃ ಸಮ್ಪೂರ್ಣಾ ॥

*********