ರಂಗನಾಥಾಷ್ಟಕಂ ಆದಿ ಶಂಕರಾಚಾರ್ಯ ಕೃತಂ रङ्गनाथाष्टकम् ranganathashtakam by adi shankaracharya

ಆನಂದರೂಪೇ ನಿಜಬೋಧರೂಪೇ
ಬ್ರಹ್ಮಸ್ವರೂಪೇ ಶೃತಿಮೂರ್ತಿರೂಪೇ |
ಶಶಾಂಕರೂಪೇ ರಮಣೀಯರೂಪೇ
ಶ್ರೀರಂಗರೂಪೇ ರಮತಾಂ ಮನೋ ಮೇ || 1 ||

ಕಾವೇರಿತೀರೇ ಕರುಣ ವಿಲೋಲೇ
ಮಂದಾರಮಾಲೇ ಧೃತ ಚಾರುಕೇಲೇ |

ದೈತ್ಯಾಂತಕಾಲೇಖಿಲ ಲೋಕಲೀಲೆ

ಶ್ರೀರಂಗಲೀಲೆ ರಮತಾಂ ಮನೋ ಮೇ || 2 ||

ಲಕ್ಶ್ಮೀನಿವಾಸೇ ಜಗತಾಂ ನಿವಾಸೇ

ಹೃತ್ಪದ್ಮವಾಸೇ ರವಿಬಿಂಬವಾಸೇ |

ಕೃಪಾನಿವಾಸೇ ಗುಣವೊಂದವಾಸೇ

ಶ್ರೀರಂಗವಾಸೇ ರಮತಾಂ ಮನೋ ಮೇ || 3 ||

ಬ್ರಹ್ಮಾದಿವಂದ್ಯೇ ಜಗದೇಕವಂದ್ಯೇ

ಮುಕುಂದವಂದ್ಯೇ ಸುರನಾಥವಂದ್ಯೇ |

ವ್ಯಾಸಾದಿವಂದ್ಯೇ ಸನಕಾದಿವಂದ್ಯೇ

ಶ್ರೀರಂಗವಂದ್ಯೇ ರಮತಾಂ ಮನೋ ಮೇ || 4 ||

ಬ್ರಹ್ಮಾದಿರಾಜೇ ಗರುಡಾದಿರಾಜೇ

ವೈಕುಂಠರಾಜೇ ಸುರರಾಜರಾಜೇ |

ತ್ರೈಲೋಕ್ಯರಾಜೇSಖಿಲ ಲೋಕರಾಜೇ

ಶ್ರೀರಂಗರಾಜೇ ರಮತಾಂ ಮನೋ ಮೇ || 5 ||

ಅಮೋಘಮುದ್ರೇ ಪರಿಪೂರ್ಣನಿದ್ರೇ

ಶ್ರೀಯೋಗನಿದ್ರೇ ಸಸಮುದ್ರನಿದ್ರೇ |

ಶ್ರಿತ್ಯೆಕಭದ್ರೇ ಜಗದೇಕನಿದ್ರೇ

ಶ್ರೀರಂಗಭದ್ರೇ ರಮತಾಂ ಮನೋ ಮೇ || 6 ||

ಸಚಿತ್ರಶಾಯೀ ಭಜಗೇಂದ್ರಶಾಯೀ

ನಂದಾಂಗಶಾಯೀ ಕಮಲಾಂಗಶಾಯೀ |

ಕ್ಷೀರಾಭ್ದಿಶಾಯೀ ವಟಪತ್ರಶಾಯೀ

ಶ್ರೀರಂಗಶಾಯೀ ರಮತಾಂ ಮನೋ ಮೇ || 7 ||

ಇದಂ ಹಿ ರಂಗಂ ತ್ಯಜತಾಮಿಹಾಂಗಂ

ಪುನರ್ನಶಾಂಗಂ ಯದಿ ಶಾಂಗಮೇತಿ |

ಪಾಣೌ ರಥಾಂಗಂ ಚರಣೇಂಬು ಕಾಂಗಂ

ಯಾನೇ ವಿಹಂಗಂ ಶಯನೇ ಭಜಂಗಂ || 8 ||

ರಂಗನಾಥಾಷ್ಠಕಂ ಪುಣ್ಯಂ

ಪ್ರಾತರುತ್ಥಾಯ ಯಃ ಪಠೇತ್ |

ಸರ್ವಾ ಕಾಮಾನವಾಪ್ನೋತಿ

ರಂಗಿಸಾಯುಜ್ಯಮಾಪ್ನುಯಾತ್ || 9 ||

॥ ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಂ ಶ್ರೀರಂಗನಾಥಾಷ್ಟಕಂ ಸಮ್ಪೂರ್ಣಮ್॥
*************

रङ्गनाथाष्टकम् 

आनन्दरूपे निजबोधरूपे ब्रह्मस्वरूपे श्रुतिमूर्तिरूपे ।
शशाङ्करूपे रमणीयरूपे श्रीरङ्गरूपे रमतां मनो मे ॥१॥

कावेरितीरे करुणाविलोले मन्दारमूले धृतचारुचेले ।
दैत्यान्तकालेऽखिललोकलीले श्रीरङ्गलीले रमतां मनो मे ॥२॥

लक्ष्मीनिवासे जगतां निवासे हृत्पद्मवासे रविबिम्बवासे ।
कृपानिवासे गुणबृन्दवासे श्रीरङ्गवासे रमतां मनो मे ॥३॥

ब्रह्मादिवन्द्ये जगदेकवन्द्ये मुकुन्दवन्द्ये सुरनाथवन्द्ये ।
व्यासादिवन्द्ये सनकादिवन्द्ये श्रीरङ्गवन्द्ये रमतां मनो मे ॥४॥

ब्रह्माधिराजे गरुडाधिराजे वैकुण्ठराजे सुरराजराजे ।
त्रैलोक्यराजेऽखिललोकराजे श्रीरङ्गराजे रमतां मनो मे ॥५॥

अमोघमुद्रे परिपूर्णनिद्रे श्रीयोगनिद्रे ससमुद्रनिद्रे ।
श्रितैकभद्रे जगदेकनिद्रे श्रीरङ्गभद्रे रमतां मनो मे ॥६॥

स चित्रशायी भुजगेन्द्रशायी नन्दाङ्कशायी कमलाङ्कशायी ।
क्षीराब्धिशायी वटपत्रशायी श्रीरङ्गशायी रमतां मनो मे ॥७॥

इदं हि रङ्गं त्यजतामिहाङ्गम् पुनर्नचाङ्कं यदि चाङ्गमेति ।
पाणौ रथाङ्गं चरणेम्बु गाङ्गम् याने विहङ्गं शयने भुजङ्गम् ॥८॥

रङ्गनाथाष्टकं पुण्यम् प्रातरुत्थाय यः पठेत् ।
सर्वान् कामानवाप्नोति रङ्गिसायुज्यमाप्नुयात् ॥


॥ इति श्रीमच्छङ्कराचार्यविरचितं श्रीरङ्गनाथाष्टकं सम्पूर्णम्॥
*********