ಶ್ರೀಪಾದರಾಜ ಪಂಚರತ್ನಮಾಲಿಕಾ ವ್ಯಾಸರಾಜ ವಿರಚಿತಮ್

 ವಂದೇ ಶ್ರೀಪಾದರಾಜಂ ರುಚಿತಮಹೃದಯಂ ಪೂಜಿತಶ್ರೀಸಹಾಯಂ |

ನಿರ್ಧೂತಾಶೇಷಹೇಯಂ ನಿಭೃತಶುಭಚಯಂ ಭೂಮಿದೇವಾಭಿಗೇಯಮ್ |

ವಿಪ್ರೇಭ್ಯೋ ದತ್ತದೇಯಂ ನಿಜಜನಸದಯಂ ಖಂಡಿತಾಶೇಷಮಾಯಂ |

ನಿಷ್ಪ್ಯೂತ ಸ್ವರ್ಣಕಾಯಂ ಬಹುಗುಣನಿಲಯಂ ವಾದಿಸಂಘೈರಜೇಯಮ್ || ೧ ||

ಕ್ಷುಬ್ಧಾದ್ವಾದಿಕರೀಂದ್ರವಾದಿಪಟಲೀಕುಂಭಚ್ಚಟಾಭೇದನ-

ಪ್ರೌಢಪ್ರಾಭವತರ್ಕಸಂಘನಿಕರ ಶ್ರೇಣೀವಿಲಾಸೋಜ್ವಲ: |

ಗೋಪೀನಾಥಮಹೇಂದ್ರಶೇಖರಲಸತ್ಪಾದಸ್ಥಲಾವಾಸಕೃತ್

ಪಾಯಾನ್ಮಾಂ ಭವಘೋರಕುಂಜರಭಯಾಚ್ಚ್ರೀಪಾದರಾಟ್ ಕೇಸರೀ || ೨ ||

ಬಿಭ್ರಾಣಂ ಕ್ಷೌಮವಾಸ: ಕರಧೃತವಲಯಂ ಹಾರಕೇಯೂರಕಾಂಚೀ-

ಗ್ರೈವೇಯಸ್ವರ್ಣಮಾಲಾಮಣಿಗಣಖಚಿತಾನೇಕಭೂಷಾಪ್ರಕರ್ಷಮ್ |

ಭುಂಜಾನಾಂ ಷಷ್ಠಿ ಶಾಕಂ ಹಯಗಜಶಿಬಿಕಾನರ್ಘ್ಯಶಯ್ಯಾರಥಾಡ್ಯಂ

ವಂದೇ ಶ್ರೀಪಾದರಾಜಂ ತ್ರಿಭುವನವಿದಿತಂ ಘೋರವಾದಿಪ್ರಶಾಂತೈ || ೩ ||

ಯದ್ವೃಂದಾವನಸೇವಯಾ ಸುವಿಮಲಾಂ ವಿದ್ಯಾಂ ಪಶೂನ್ ಸಂತತಿಂ

ಜ್ಞಾನಾಜ್ಞಾನಮನಲ್ಪಕೀರ್ತಿನಿವಹಂ ಪ್ರಾಪ್ನೋತಿ ಸೌಖ್ಯಂ ಜನ: |

ತಂ ವಂದೇ ನರಸಿಂಹತೀರ್ಥನಿಲಯಂ ಶ್ರೀವ್ಯಾಸರಾಟ್‌ಪೂಜಿತಂ

ಧ್ಯಾಯಂತಂ ಮನಸಾ ನೃಸಿಂಹಚರಣಮ್ ಶ್ರೀಪಾದರಾಜಂ ಗುರುಮ್ || ೪ ||

ಕಾಶೀಕೇದಾರಮಾಯಾಕರಿಗಿರಿಮಧುರಾದ್ವಾರಕಾವೇಂಕಟೇಶ

ಶ್ರೀಮುಷ್ಣಕ್ಷೇತ್ರಪೂರ್ವತ್ರಿಭುವನವಿಲಸತ್ಪುಣ್ಯಭೀಮೀನಿವಾಸ: |

ಗುಲ್ಮಾದಿವ್ಯಾಧಿಹರ್ತಾ ಗುರುಗುಣನಿಲಯೋ ಭೂತವೇತಾಲಭೇದೀ

ಭೂಯಾಚ್ಶ್ರೀಪಾದರಾಜೋ ನಿಖಿಲಶುಭತತಿಪ್ರಾಪ್ತಯೇ ಸಂತತಂ ನ: || ೫ ||

||ಇತಿ ಶ್ರೀವ್ಯಾಸರಾಜವಿರಚಿತಾ ಶ್ರೀಶ್ರೀಪಾದರಾಜ ಪಂಚರತ್ನಮಾಲಿಕಾ||

***

vandE SrIpAdarAjaM rucitamahRudayaM pUjitaSrIsahAyaM |

nirdhUtASEShahEyaM niBRutaSuBacayaM BUmidEvABigEyam |

viprEByO dattadEyaM nijajanasadayaM KaMDitASEShamAyaM |

niShpyUta svarNakAyaM bahuguNanilayaM vAdisaMGairajEyam || 1 ||

kShubdhAdvAdikarIMdravAdipaTalIkuMBaccaTABEdana-

prauDhaprABavatarkasaMGanikara SrENIvilAsOjvala: |

gOpInAthamahEMdraSEKaralasatpAdasthalAvAsakRut

pAyAnmAM BavaGOrakuMjaraBayAccrIpAdarAT kEsarI || 2 ||

biBrANaM kShaumavAsa: karadhRutavalayaM hArakEyUrakAMcI-

graivEyasvarNamAlAmaNigaNaKacitAnEkaBUShAprakarSham |

BunjAnAM ShaShThi SAkaM hayagajaSibikAnarGyaSayyArathADyaM

vaMdE SrIpAdarAjaM triBuvanaviditaM GOravAdipraSAMtai || 3 ||

yadvRundAvanasEvayA suvimalAM vidyAM paSUn saMtatiM

j~jAnAj~jAnamanalpakIrtinivahaM prApnOti sauKyaM jana: |

taM vandE narasiMhatIrthanilayaM SrIvyAsarAT^^pUjitaM

dhyAyantaM manasA nRusiMhacaraNam SrIpAdarAjaM gurum || 4 ||

kASIkEdAramAyAkarigirimadhurAdvArakAvEnkaTESa

SrImuShNakShEtrapUrvatriBuvanavilasatpuNyaBImInivAsa: |

gulmAdivyAdhihartA guruguNanilayO BUtavEtAlaBEdI

BUyAcSrIpAdarAjO niKilaSuBatatiprAptayE saMtataM na: || 5 ||

||iti SrIvyAsarAjaviracitA SrISrIpAdarAja pancharatnamAlikA||

***